मनसे अध्यक्ष राज ठाकरे आज शिवतीर्थावर पक्षाच्या प्रमुख नेत्यांची बैठक घेणार आहेत. आजच्या बैठकीत मशिदीतील लाऊडस्पीकर हटवण्यासाठी 3 मेचा अल्टिमेटम तसेच 1 मे रोजी औरंगाबादेत पक्षाची बैठक आणि जूनमध्ये अयोध्या दौऱ्याची रणनीती तयार करण्यात येणार आहे. (Raj Thackeray latest News)

दरम्यान, अयोध्येच्या (Ayodhya) दौऱ्यावरून मनसे अध्यक्ष राज ठाकरे (Raj Thackeray) यांना पुन्यातुन पोस्टरमधून टोला लगावला जात आहे.राज ठाकरे यांनी रेखाटलेल्या व्यंग चित्राची होर्डिंग्जमधून आठवण करून देत टोला लगावण्यात आला आहे. पुण्यातील अल्का चौक, गुडलक चौक, कोथरूड, करिश्मा चौक या ठिकाणी हे पोस्टर लावण्यात आले आहेत.

या पोस्टरवरून राज ठाकरे यांच्यावर निशाना साधला जात आहे, तर कॉंग्रेसचे प्रवक्ते सचिन सावंत यांना हे पोस्टर आपल्या ट्विट मध्ये नमूद करून राज ठाकरेंना प्रश्न देखील विचारले आहेत.तर याच पोस्टर वरून राज ठाकरे यांच्या सध्याच्या भुमिकेवरती टीका केली जात आहे. पुण्यात हे पोस्टर कुणी लावले आहेत हे अजून स्पष्ट झाले नाही.