मनसे अध्यक्ष राज ठाकरे यांच्या सभेला सुरुवात झाली आहे. सभेच्या सुरुवातीलाच त्यांनी महाविकास आघाडी सरकारला लक्ष्य केलं. दोनच सभा मी घेतल्या, पण या दोन सभांवरुन किती जण बोलतात. आजच्या सभेत सरकारची जी काही उरली सुरली राहिली आहे, ती काढण्यासाठी म्हणून आजची सभा घेतोय, असं राज ठाकरे म्हणाले. (raj thackeray warns people create choas at mns Aurangabad rally)

राज ठाकरे पुढे म्हणाले, ''छत्रपती शिवाजी महाराजांनी खऱ्या अर्थाने आपल्याला स्वराज्याचा अर्थ समजवला. स्वाभीमानानं कसं जगायचं हे देखील आपल्या महाराजांनी शिकवलं. औरंगजेबाला त्यावेळी खऱ्या अर्थाने कळालं होतं की, छत्रपती शिवाजी महाराज केवळ व्यक्ती नाही तर विचार आहे. मात्र आज आपण या महापुरुषांच्या केवळ जयंत्या आणि पुण्यतिथ्या साजऱ्या करतोय. रामदास स्वामींनी छत्रपती शिवाजी महाराजांचा इतिहास आपल्या समोर मांडला.''

लाऊडस्पीकरचा हा मुद्दा जुना आहे. माझ्याआधी अनेकांनी हा विषय मांडला आहे. मी मशिदीवरच्या भोंग्याला हनुमान चालीसाचा फक्त त्याला पर्याय दिला आहे. मला महाराष्ट्रात कुठेही दंगली घडवायच्या नाहीत, असे राज ठाकरे म्हणाले. 4 तारखेपासून आम्ही अजिबात ऐकणार नाही. 4 मे नंतर दुप्पट आवाजात हनुमान चालीसा लावण्याचे आवाहन केले आहे.

सरळ मार्गाने समजत नसेल तर मग महाराष्ट्राच्या मनगटातील ताकद दाखवण्याची वेळ आली आहे, असे राज ठाकरे म्हणाले. राज ठाकरेंच्या भाषणावेळी अजान लागली, त्यावर बोलताना यांना नीट कळत नसेल तर एकदा होऊन जाऊदे. असा इशारा यावेळी त्यांनी दिला. पोलिसांना विनंती आहे हे वेळीच बंद करा, यांना समजत नसेल तर एकादा काय ते होऊन जाऊदे.