महाराष्ट्र नवनिर्माण सेनेचे (Maharashtra Navnirman Sena) अध्यक्ष राज ठाकरे (Raj Thackeray) यांच्या घरी नव्या पाहुण्याचे आगमन झाले आहे. राज ठाकरे यांचे सुपुत्र अमित ठाकरे (Amit Thackeray) आणि सूनबाई मिताली ठाकरे (Mithali Thackeray) यांना पुत्रप्राप्ती झाली. ब्रीच कँन्डी रुग्णालयामध्ये (Breach Candy Hospital) यांनी एका गोंडस बाळाला जन्म दिलाय. (Mithali Thackeray has given birth to a child)

दरम्यान, राज ठाकरे यांना आजोबा झाल्याची माहीती मिळताच ते स्वत: ब्रीच कँन्डी रुग्णालयात दाखल झाले. तसेच त्यांचे इतर ठाकरे कुटुंबीयही रुग्णालयात तात्काळ पोहोचले. नव्या पाहुण्याचे घरी आगमन झाल्याने ठाकरे कुटुंबामध्ये नव चैत्यनाचे वातावरण आहे.

कोण आहे मिताली ठाकरे?

27 जानेवारी 2019 रोजी राज ठाकरे यांचे सुपुत्र अमित ठाकरे आणि मिताली बोरुडे यांचा विवाह झाला. लोअर पर सेंट रेजिस हॉटेलमध्ये त्यांचा विवाह संपन्न झाला होता. मिताली बोरुडे या फॅशन डिझायनर आहेत. विशेष म्हणजे मिताली यांनी फॅड इंटरनॅशनलमधून फॅशन डिझायनिंगचं शिक्षण पूर्ण केले. काही वर्षापूर्वी राज ठाकरे यांची कन्या उर्वशी आणि सून मिताली यांनी 'द रॅक' हा कपड्यांचा ब्रॅंड लॉन्च केला.