पेट्रोल आणि डिझेलच्या (Petrol and Diesel) दरात कपात होणार अशी आशा असलेल्या राज्यामध्ये लोकांना नाराज करण्यात आले आहे. कर कपातीचा कोणताच विचार केला जात नाही. येणाऱ्या अधिवेशनापूर्वी कर कमी करायचे असल्यास, याचे किती आर्थिक नुकसान सोसावे लागेल हे पाहणे गरजेचे आहे आणि यावरून निर्णय घेण्यात येईल, असे राज्याचे उपमुख्यमंत्री अजित पवार (Ajit Pawar) पंढरपूर येथील आज कार्तिकी एकादशी निमित्त शासकीय महापूजेच्या वेळी बोलत होते.

केंद्र सरकारने (Central Government) उत्पादन शुल्क कपात करत पेट्रोल आणि डिझेलच्या किंमती कमी केल्या. तसेच केंद्राने राज्यांनाही कर कमी करा अशी विनंती केली होती. यावर महाराष्ट्राचे उपमुख्यमंत्री अजित पवार यांनी याबाबत प्रतिक्रीया दिली.

महाराष्ट्राचे उपमुख्यमंत्री अजित पवार व त्यांच्या पत्नी सुनेत्रा पवार यांच्या हस्ते विठ्ठल-रुक्‍मिणीची (Vitthal-Rukmini) कार्तिकी एकादशी निमित्त शासकीय महापूजा करण्यात आली. महापूजा झालेनंतर माध्यमांशी बोलताना अजित पवार याचना याबाबत माहिती दिली. तसेच आजच्या ‘कार्तिकी एकादशी’ निमित्त संपूर्ण महाराष्ट्रातल्या जनतेच्या वतीने विठूरायाच्या चरणी मस्तक ठेऊन येणाऱ्या पुढील काळात जगासह, देशातून, महाराष्ट्रातून कोरोना (covid 19 )पूर्णपणे नाहीसा कर, असे साकडं अजित पवार यांनी विठूरायाला घातले.