दिल्लीतल्या महाराष्ट्र सदनात आरक्षितअसलेल्या राज्यपाल कक्षाला आग लागल्याची घटना घडली आहे, दरम्यान या आगीत कुठलीही जीवितहानी झाली नाही.

शॉर्ट सर्किटमुळे ही आग लागल्याचा प्राथमिक माहिती मिळत असली तरी आगीचे कारण अद्याप स्पष्ट झाले नाही.आगीची माहिती मिळाल्यानंतर पोलीस आणि जवानदेखील घटनास्थळी दाखल झाले आहेत. दरम्यान आगीवर नियंत्रण मिळवण्यात यश आले असून या आगीत कोणत्याही प्रकारची जीवितहानी झाली नसल्याचे सांगितले जात आहे.

आज सकाळी अचानक लागलेल्या या आगीने सर्वांचाच गोंधळ उडाला होता मात्र आग लागल्याची माहिती मिळताच अग्निशामक दलाच्या चार गाड्या तात्काळ घटनास्थळी दाखल झाल्या आणि त्यांच्या मदतीने ही आग आता आटोक्यात आणण्यात यश आलं . या आगीमुळे राज्यपाल कक्षातल्या मालमत्तेचं काही प्रमाणात नुकसान झालं असल्याचे समोर येत आहे. मात्र, आता ही आग विझवण्यात आली आहे. सदनातल्या इतर कोणत्याही भागाला या आगीचा फटका बसला नसल्याची माहिती सदनाचं व्यवस्थापनाकडून देण्यात आली आहे.