इंदूरहून पुण्याला जाणारी महाराष्ट्र रोडवेजची बस धार जिल्ह्यातील खलघाट संजय सेतूवरून पडल्याने 12 जण ठार, 15 जणांना वाचवण्यात यश आले, अशी माहिती मध्य प्रदेशचे मंत्री नरोत्तम मिश्रा यांनी दिली. या घटनेची माहिती मिळताच मदत आणि बचाव कार्य सुरू करण्यात आले. अपघातग्रस्त बसला क्रेनच्या मदतीने नदीबाहेर काढण्यात आले आहे. (Madhya Pradesh Bus Accident news)

( सविस्तर वृत्त थोड्यावेळात)

एसटी महामंडळाचे व्यवस्थापकीय संचालक शेखर चन्ने यांनी दिलेल्या माहितीनुसार, अपघात झालेली बस जळगावमधील अमळनेर येथे येणार होती. या घटनेची माहिती मिळाल्यानंतर एसटीचे अधिकारीदेखील घटनास्थळी रवाना झाले असल्याची माहिती चन्ने यांनी दिली.

नेमकं काय झाले?

अपघात झालेली बस महाराष्ट्र एस टी महामंडळाची होती. सकाळी 7च्या सुमारास इंदूरवरुन पुण्याला जात होती. इंदूरमध्ये 12 प्रवासी चढले होते. बस नर्मदा नदीवरील ब्रिजवरुन खाली कोसळली. आतापर्यंत 15 जणांना वाचवण्यात यश मिळाले आहे. या बसमध्ये 50 ते 55 प्रवासी होते, अशी माहिती आहे. या दुर्घटनेतील मृतांची संख्या वाढण्याची भीती व्यक्त केली जात आहे.