Mumbai NCRB Suicide Data: नॅशनल क्राईम रेकॉर्ड ब्युरोच्या (NCRB) आकडेवारीनुसार, देशाची आर्थिक राजधानी असणाऱ्या मुंबईत दररोज 4 जण आत्महत्या करतात. गेल्या दोन वर्षांत आत्महत्यांच्या घटनांमध्ये 17 टक्क्यांनी वाढ झाली आहे. त्याच वेळी, तज्ञांच्या मते, दररोज 80 प्रकरणे समोर येतात, ज्यामध्ये कोणीतरी आत्महत्या करण्याचा प्रयत्न करतो. मुंबईत अनेक लोक बाहेरुन कामानिमित्त येतात.

मानसशास्त्रज्ञ दीप्ती पुराणिक यांनी माध्यमाशी बोलताना सांगितले की, 'नैराश्यातून जाणारे बहुतेक लोक तरुण आहेत. सायबर बुलिंगमुळे अनेक रुग्ण त्रस्त आहेत. अशा लोकांशी संवाद साधण्याची गरज आहे.' एका कॉलेजमध्ये (College) प्राध्यापक म्हणून कार्यरत असणाऱ्या आलोक यांनी सांगितले की, 'तरुणांना त्यांच्या इमेजबद्दल खूप चिंता आहे. तसेच वर्गमित्रांचा दबाव, मानसिक तणाव, मित्रांसोबतचे मतभेद यामुळे अनेक तरुण आत्महत्येचा विचार करतात. तरुणांनी आपल्या प्रियजनांशी बोलत राहिले पाहिजे.'

MCRB डेटा

नॅशनल क्राईम रेकॉर्ड ब्युरो (NCRB) च्या रिसर्चनुसार 2021 मध्ये एकूण 1 लाख 64 हजार 33 आत्महत्येच्या घटना पोलिस रेकॉर्डमध्ये नोंदवण्यात आल्या आहेत. 2017 मध्ये ही संख्या 1 लाख 29 हजार 887 (9.9%) होती, जी 2021 मध्ये वाढून 1,64,033 (12.0%) झाली आहे.

महाराष्ट्रात सर्वाधिक आत्महत्या झाल्या

देशात महाराष्ट्रात (Maharashtra) सर्वाधिक 22 हजार 207 जणांनी आत्महत्या केल्या आहेत.

तामिळनाडू (Tamil Nadu) दुसऱ्या क्रमांकावर आहे, जिथे 14 हजार 966 लोकांनी आत्महत्या केल्या आहेत.

पश्चिम बंगालमध्ये 13 हजार 56 लोकांनी आत्महत्या केल्या आहेत.