महाराष्ट्राचे आरोग्यमंत्री राजेश टोपे (Rajesh Tope) यांनी 15 ते 18 या वयोगतील मुलांचे लसीकरण वेगाने करण्यास सुरुवात केली आहे. कारण लसीकरणाशिवाय पर्याय नाही. राज्याची तिसऱ्या लाटेकडे वाटचाल होत असून, याला आळा घालण्यासाठी लसीकरण (Vaccination) हाच एकमेव मार्ग आहे. सार्वजनिक ठिकाणी गर्दी टाळण्यांसाठी पोलिसाना आणि सरकार वेळीप्रसंगी गुन्हे नोंदवून कारवाई करण्याचे आदेश दिले जाऊ शकतात, असा स्पष्ट इशारा राजेश टोपे यांनी दिला.

महाराष्ट्रामध्ये मुंबई (Mumbai) , पुणे आणि ठाणे या तीन शहरात ओमिक्रॉन विषाणुचा (Omicron Variant) प्रादुर्भाव अधिक आहे. यामुळे येथील परिस्थिती पाहता या शहरात शाळा बंद ठेवण्याचा निर्णय घेण्यात आला आहे. पण राज्यातील इतर भागांमध्ये अशी परिस्थिति नाही. यामुळे त्या भागांमध्ये शाळा बंद ठेवण्याचा निर्णय घेण्यात आलेला नाही. परंतु रुग्णसंख्येत वाढ झाल्यास भविष्यात शाळा बंद करू शकतात, असे संकेत त्यांनी दिले आहेत.

वेळोवेळी ओमिक्रॉन विषाणुचा आढावा घेणे सुरू आहे. आवश्यकता वाटल्यास अधिक निर्बंध घालण्यात येतील. यामुळे नागरिकांनी सरकारने दिलेल्या नियमांचे पालन करावे. घराबाहेर पडताना मास्क लावावे, गर्दी टाळावी, घरी आल्यानंतर हात पाय स्वच्छ धुवावे. तसेच ओमिक्रॉन विषाणुची लक्षणे आढळल्यास लगेच आरोग्य तज्ञाशी संपर्क साधावा.असे आवाहन राजेश टोपे यांनी केले.

* लसीकरण आवश्यक

राज्यात 15 ते 18 वयोगटातील मुलांचे लसीकरणाला महत्व दिले गेले आहे. यामुळे लसीकरण वेगाने सुरू झाले आहे. तरुण पिढीला सुरक्षित राहायचे असेल तर त्यांनी लसीकरण करणे आवश्यक आहे. तसेच बर्गर आणि पिझ्झा घ्यायचा असेल तर लस घेणे बंधनकारक आहे. त्यामुळे लसीकरण करण्याचे आवाहन आरोग्यमंत्री राजेश टोपे यांनी तरुण पिढीतील मुलांना केले आहे.