Maharashtra Crime News: महाराष्ट्रातील नागपूर जिल्ह्यातील उमरेड मद्ये एक धक्कादायक घटना घडली. काही नराधमांनी एका महिन्यात एका 11 वर्षीय मुलीवर अनेक वेळा सामूहिक बलात्कार केला. उमरेड पोलिसांनी या प्रकरणाचा छडा लावला आणि नऊ जणांना अटक केली. नागपूर शहरापासून 60 किमी अंतरावर असलेल्या गावात 19 जून ते 15 जुलै दरम्यान या घटना घडल्याचे पोलिसांनी सांगितले.

रोशन करगावकर (29) आणि त्याचे मित्र/परिचित गजानन मुरस्कर (40), प्रेमदास गाठबांधे (37), राकेश महाकाळकर (24), गोविंदा नाटे (22), सौरभ उर्फ ​​करण रिठे (22) नितेश फुकट (30), प्रद्युम्न करूटकर (22) आणि निखिल उर्फ ​​पिंकू नरुळे (24) अशी आरोपींची नावे असल्याचे पोलिसांनी सांगितले. पीडितेचे आई-वडील मजूर असून, करगावकर हा अल्पवयीन मुलीच्या शेजारी राहायचा. संबंधित कलमान्वये या आरोपिंवर गुन्हा दाखल करून पोलीस पुढील तपास करत आहेत.

19 जून रोजी रोशन कारगवार आणि त्याचा मित्र गजानन मुरस्कर यांनी शेजारी राहणाऱ्या पीडितेला काही घरगुती कामासाठी पैसे देण्याचे आश्वासन देऊन त्यांच्या घरी नेले. मात्र, नंतर त्यांनी तिच्यावर बलात्कार केला. शुभम दामडू नावाच्या व्यक्तीच्या हत्येचा तपास सुरू केल्यानंतर पोलिसांनी या प्रकरणाचा छडा लावला. रोशन आणि त्याचा साथीदार बादल यांनी सोन्याच्या अंगठीवरून शुभमची हत्या केल्याचा आरोप होता. त्यांना अकोला रेल्वे स्थानकावरून अटक करण्यात आल्याचे अहवालात नमूद करण्यात आले आहे, असे पोलिसांनी सांगितले.

रोशन आणि गजाननने मुलीवर बलात्कार केला. त्यांनी तिला धमकावून 300 रुपये देऊन गप्प बसवले. मुलीला ओळखणारा रोशन तिला अनेकवेळा घरी बोलवत असे. काही दिवसांपूर्वी गजानन आणि प्रेमदास तिला रोशनच्या घरी घेऊन गेले, तिथे इतर सात आरोपींनी तिच्यावर बलात्कार केला, अशी माहिती पोलिसांनी दिली आहे.