राष्ट्रवादी काँग्रेसचे अध्यक्ष शरद पवार (Sharad Pawar) यांच्याबद्दल सोशल मीडियावर आक्षेपार्ह पोस्ट शेअर केल्याप्रकरणी अटक करण्यात आलेली मराठी अभिनेत्री केतकी चितळे हिला पोलिसांनी सोमवारी तिच्या घरी नेले आणि इलेक्ट्रॉनिक पुरावे गोळा केले. सुमारे तासभर पोलीस तिच्या घरी थांबले आणि यावेळी अभिनेत्रीचा फोन आणि लॅपटॉप जप्त करण्यात आला होता. आता केतकीचा (Ketaki Chitle) जामीन अर्ज न्यायालयाने फेटाळला असून 14 दिवसांची न्यायालयीन कोठडी सुनावण्यात आली आहे.

29 वर्षीय अभिनेत्री केतकी चितळे हिच्यावर महाराष्ट्रातील विविध जिल्ह्यांमध्ये आतापर्यंत 6 गुन्हे दाखल करण्यात आले आहेत. तिला दोन दिवसांपूर्वी महाराष्ट्र पोलिसांनी अटक केली होती. आणि न्यायालयाने अभिनेत्रीला 18 मे पर्यंत पोलीस कोठडी सुनावली आहे. आता ठाणे न्यायालयाने आज पुन्हा केतकीला 14 दिवसांची न्यायालयीन कोठडीसुनावली आहे.