नागराज मंजुळे (Nagraj Manjule) यांनी दिग्दर्शित केलेल्या 'झुंड' चित्रपटातील (Jhund Film) अभिनेता प्रियांशू क्षत्रियला (Priyanshu Kshatriya) अटक करण्यात आली आहे. प्रियांशू क्षत्रिय याचा 73 हजारांच्या चोरीत सहभागी असल्याचा आरोप त्याच्यावर करण्यात आला आहे. प्रियांशू क्षत्रिय याने 'झुंड' चित्रपटात 'बाबू'ची भूमिका साकारली होती.

(‘Jhund’ actor Babu aka Priyanshu Kshatriya arrested for an alleged theft in Nagpur)

नागपूर पोलिसांनी दिलेल्या माहितीनुसार, नागपूरच्या मलकापूर परिसरात काही दिवसांपूर्वी चोरी झाली होती. या घरातून 73 हजारांचे दागिने आणि इतर मौल्यवान वस्तू चोरीला गेल्या होत्या. याप्रकरणी चौकशी केली असता या चोरीच्या घटनेत प्रियांशू क्षत्रिय याचा समावेश असल्याचे समोर आले आहे. याप्रकरणी त्याला अटक करण्यात आली आहे. याप्रकरणी पोलिसांनी सीसीटीव्ही फुटेज तपासून दोन आरोपींना ताब्यात घेतले आहे.

दरम्यान, नागराज मंजुळे (Nagraj Manjule) यांनी दिग्दर्शित केलेल्या 'झुंड' चित्रपटात अमिताभ बच्चन यांनी प्रमुख भूमिका केली आहे. 4 मार्च 2022 रोजी हा चित्रपट प्रदर्शित झाला होता. स्लम सॉकर (Slum Soccer) वरती या चित्रपटाची कहानी आधारीत असून, विजय बारसे (Vijay Barse) यांच्या आयुष्यावर आधारीत आहे.