महाराष्ट्रात (Maharashtra) आरोग्य विभागाच्या गट- ड चा पेपर फुटला असल्याची चर्चा चांगलीच रंगली. भंडारा (Bhandara) जिल्ह्यातील एका परिक्षा सेंटरवर पेपरफुटीचा हा प्रकार काही विद्यार्थ्यांनी उघडकीस आणला आहे. या पेपरफुटीच्या संदर्भातील एक व्हिडिओ व्हायरल देखील होत आहे. दरम्यान या संपूर्ण भरती प्रक्रियेची तात्काळ चौकशी करण्यात यावी अशी मागणी विद्यार्थ्यांकडून करण्यात येत आहे.

दरम्यान, भंडारा जिल्ह्यामध्ये एका परिक्षा केंद्रावर आरोग्य विभागाच्या परिक्षेदरम्यान विद्यार्थ्यांना प्रश्नपत्रिका देत असताना प्रश्नपत्रिकांचा गठ्टा आणलेला असताना या गठ्ठ्यांचं सील आगोदरच फुटलेले असल्याचे काही विद्यार्थ्यांना आढळून आले यानंतर त्यांनी यासंबंधी आक्षेप घेत प्रश्नपत्रिकांचा वाटप करण्यासंबंधी रोखलं. आणि त्यासंबंधीच्या घटनेचा व्हिडिओही बनविण्यात आला आणि सोशल मिडियावर आपलोड करण्यात आला.