महाराष्ट्राचे नवे मुख्यमंत्री एकनाथ शिंदे आणि एक चिमुकली यांच्यातील संभाषणाचा व्हिडिओ सोशल मीडियावर (Social Media) चांगलाच व्हायरल होत आहे. व्हायरल झालेल्या व्हिडीओमध्ये मुलगी मुख्यमंत्री होण्यासाठी मुख्यमंत्री शिंदे यांचा सल्ला विचारताना दिसत आहे. व्हिडिओमध्ये (Video) दिसणारी चिमुकली अन्नदा डमरे हीने एकनाथ शिंदे यांची त्यांच्या नंदनवन बंगल्यावर भेट घेतली.

भेटीदरम्यान तिने मुख्यमंत्री शिंदे (Eknath Shinde) यांना विचारले की, "पूरग्रस्तांना मदत करून तीही मुख्यमंत्री होऊ शकते का? आसाममध्ये पूर आला होता, तेव्हा तुम्ही लोकांच्या मदतीसाठी पाण्यातून गेला होता. मी पूरग्रस्तांना मदत करू का? ‘मदत करून मी मुख्यमंत्री होऊ शकते का?

* शिंदेंकडून गुवाहाटीला नेण्याचे घेतले वचन

चिमुलकीचे हे निरागस प्रश्न ऐकून तिथे उपस्थित सर्व लोक हसू लागले. चिमुकलीचे मनोबल वाढवण्यासाठी मुख्यमंत्री एकनाथ शिंदे म्हणाले, "हो तु नक्कीच मुख्यमंत्री होऊ शकते. " यानंतर अन्नदाने या मुलीने मुख्यमंत्री एकनाथ शिंदे यांना दिवाळीच्या सुट्ट्यांमध्ये गुवाहाटी (Guwahati) येथे नेण्यास सांगितले.

यावर मुख्यमंत्री शिंदे म्हणाले, हो नक्की जाऊ. शिंदे यांनी मुलीला विचारले की तुला कामाख्या मंदिरात जायचे आहे? अन्नदाने हो म्हणत दिले उत्तर. चिमुकलीच्या या गोष्टी ऐकून मुख्यमंत्री शिंदेंनी चिमुकलीचे कौतुक केले.

एकनाथ शिंदे यांच्यासह 40 शिवसेना आमदारांनी पक्षात बंडखोरी करून महाविकास आघाडीचे सरकार पाडले. एकनाथ शिंदे यांच्या नेतृत्वाखाली बंडखोर आमदारांचा एक गट 22 जून रोजी गुवाहाटीला पोहोचला. त्यानंतर आठ दिवसांनी म्हणजे 30 जून रोजी एकनाथ शिंदे यांनी महाराष्ट्राचे नवे मुख्यमंत्री म्हणून तर भाजपचे देवेंद्र फडणवीस यांनी उपमुख्यमंत्रीपदाची शपथ घेतली.