पुण्यात गवळी समाजातील एका व्यक्तीने जातीबाहेर लग्न (marriage) केल्यामुळे बहिष्कार टाकल्याप्रकरणी पोलिसांनी तिघांविरुद्ध गुन्हा दाखल केला आहे. एका पोलीस अधिकाऱ्याने सांगितले की, एक माणूस आणि त्याचे कुटुंबीय गेल्या महिन्यात एका नातेवाईकाच्या लग्नात सहभागी होण्यासाठी गेले होते, तिथे गवळी समाजाच्या पंचाने त्यांना तेथून जाण्यास सांगितले कारण त्या माणसाच्या मुलाने दुसऱ्या जातीतील मुलीशी लग्न केले आहे.

त्यांनी सांगितले की त्या व्यक्तीने अंधश्रद्धा निर्मूलन समिती संपर्क साधला आणि पोलिसात तक्रार दाखल केली. या प्रकरणी पोलिसांनी (Police) महाराष्ट्र प्रोटेक्शन ऑफ पीपल फ्रॉम (Maharashtra Protection of People from) सामाजिक बहिष्कार कायदा, 2016 अंतर्गत तीन जणांविरुद्ध गुन्हा दाखल केला आहे, असे अधिकाऱ्याने सांगितले.