मुंबई: महानगरपालिकेच्या (Municipal Corporation) प्रसूतीगृहामध्ये धक्कादायक प्रकार घडला आहे. हॉस्पिटल (Hospital)मध्ये रात्रीच्या वेळी डॉक्टर नसल्याने आठ महिन्याच्या गरोदर महिलेने तिचे प्राण गमावले. मुंबई (Mumbai)मधील मुलुंड भागातील पाच रस्ता परिसरातील पालिका प्रसूति गृहमधील ही धक्कादायक घटना आहे.

ही महिला मुलुंडच्या (Mulund)डंपिंग रोड परिसरात राहते. निशा कसबे या महिला आठ महिन्याच्या गरोदर होत्या. त्यांना पालिकेच्या रुग्णालयात सोमवार दुपारी दाखल केले होते. अचानक मध्यरात्री त्यांची तब्येत बिघडली.

रात्रीच्या वेळी हॉस्पिटलमध्ये एकही डॉक्टर नव्हते. रात्री दोनच्या सुमारास येथील कर्मचाऱ्यांनी त्यांची तब्बेत बिघडल्याची माहिती त्यांच्या नातेवाईकाना दिली.

त्या नंतर त्यांना पालिकेच्या सावरकर रुग्णालयात दाखल केले. तोपर्यंत खूप उशीर झाला होता त्यामुळे उपचारादरम्यान त्यांचा मृत्यू झाला. प्रसूतीगृहामध्ये (Maternity hospital) डॉक्टर नव्हते त्यामुळे त्यांच्यावर उपचार झाले नाहीत आणि यामुळे माता आणि निष्पाप जीवाचा दुर्दवी मृत्यू झाला.

याला पूर्णत: पालिका प्रशासन आणि डॉक्टर्स (Doctors)जबाबदार आहेत. असा नातेवाईकांनी आरोप केला आहे. तर याबाबत दोषींवर कठोर कारवाई करावी अशी मागणी नातेवाईकांनी केली आहे.

या घटनेनंतर स्थानीक आमदार (MLA)कोटे यांनी रुग्णालयातील प्रशासनाला जाब विचारला, त्यांना सांगण्यात आले की, रुग्णालयात डॉक्टर सकाळी 9 संध्याकाळी 4 वाजेपर्यंत डॉक्टर उपलब्ध असतात याची कबुली दिली. आणि त्यानंतर या बाबत तक्रार पोलिसात करणार असल्याचे सांगण्यात आले आहे.