मुंबई: मुंबईत कोविड रुग्णसंख्या वाढत आहे. शहरातील कोरोना बाधितांमद्धे अनेक नामांकित व्यक्तींचा समावेश आहे. राष्ट्रवादी काँग्रेस पक्षाच्या (NCP) खासदार सुप्रिया सुळे आणि त्यांचे कुटुंब तसेच अभिनेता अर्जुन कपूर यांना कोरोनाची लागण झाली आहे.

अर्जुन कपूरला (Arjun Kapoor) यांना सप्टेंबर 2020 मध्ये देखील कोरोना झाला होता. "आम्ही कपूर यांचे निवासस्थान असलेल्या मजल्याला सील केले आहे आणि इमारतीच्या गेटवर एक सावधगिरीची सूचना चिकटवली आहे. आम्ही कोविड-19 (COVID-19) प्रोटोकॉलनुसार कारवाई करत आहोत,” असे सहाय्यक महापालिका आयुक्त पृथ्वीराज चव्हाण म्हणाले. सुप्रिया सुळे (Supriya Sule) व त्यांचे कुटुंब कोरोनाबाधित आहे. त्यांनी ट्वीटद्वारे याची माहिती दिली. सुप्रिया सुळे यांनी संपर्कात आलेल्या सर्वांना तपासणी करण्याचे आवाहन केले आहे.

"दोन मंत्री, पोलिस कर्मचारी व काही आमदारांसह सुमारे 50 लोकांना कोरोनाची लागण झाली आहे," असे उपमुख्यमंत्री अजित पवार म्हणाले. वीकेंड ड्राइव्ह दरम्यान 2,300 हून अधिक चाचण्या करण्यात आल्या. सोमवारी शालेय शिक्षण मंत्री वर्षा गायकवाड आणि आदिवासी विकास मंत्री के. सी. पाडवी यांची चाचणी सकारात्मक आली; त्याच दिवशी भाजपचे आमदार समीर मेघे यांनाही कोरोनाची लागण झाली.