नवी मुंबईतील एका शाळेत एकाच वेळी 16 विद्यार्थी कोरोना पॉझिटिव्ह आढळले आहेत. हे सर्व विद्यार्थी इयत्ता 8वी ते 11वी पर्यंतचे आहेत. आज शाळेत मोठ्या प्रमाणावर चाचणी घेतली जात आहे. शाळेतील सर्व 600 विद्यार्थ्यांची कोरोना चाचणी केली जाणार आहे. शाळेतील कोरोना संसर्गाचा कतारशी संबंध समोर आला आहे. नवी मुंबई महापालिकेच्या (Municipal Corporation) आरोग्य विभागाने दिलेल्या माहितीनुसार, या शाळेत शिकणाऱ्या विद्यार्थ्याचे वडील काही दिवसांपूर्वी कतारहून भारतात परतले होते.

हे प्रकरण नवी मुंबईतील घणसोली शाळेतील आहे. सर्व संक्रमित मुलांना स्थानिक कोविड केअर सेंटरमध्ये दाखल करण्यात आले आहे. मिळालेल्या माहितीनुसार, जिल्हा प्रशासनाच्या परवानगीनंतर शाळा सुरू करण्यात आली. पन्नास टक्क्यांहून अधिक मुले शाळेत येत होती. दरम्यान, शुक्रवारी 16 मुलांमध्ये ताप, खोकला यासह कोरोनाची लक्षणे दिसून आली. तपासणीत 16 मुलांमध्ये कोरोनाची लक्षणे आढळून आली आहे. या घटनेनंतर शाळा व्यवस्थापन आणि मुलांच्या कुटुंबीयांमध्ये खळबळ उडाली आहे.

आरोग्य अधिकाऱ्यांनी संपूर्ण कुटुंबाची काळजीपूर्वक कोरोना (corona) चाचणी केली. या चाचणीत परदेशातून आलेल्या व्यक्तीचा कोरोना रिपोर्ट निगेटिव्ह आला मात्र त्याच्या मुलाचा कोरोना रिपोर्ट पॉझिटिव्ह आला. यानंतर हा मुलगा ज्या शाळेत शिकला त्या शाळेच्या संपर्कात आलेल्या सर्व मुलांची कोरोना चाचणी करण्यात आली, ज्यामध्ये 16 विद्यार्थी (student) कोरोना पॉझिटिव्ह आढळले आहेत. आता शाळा प्रशासन संपूर्ण शाळेतील मुलांची कोरोना चाचणी घेत आहे.