सरकारकडून सलून आणि जिमवरील निर्बंधात सूट देण्यात आली आहे.आता सलूनला 50 टक्के क्षमतेने सुरु ठेवण्याची परवानगी देण्यात आली आहे. तर जिम सुद्धा 50 टक्के क्षमतेने सुरु ठेवण्याची परवानगी देण्यात आली आहे.पण यासाठी कोणत्या नियमांचे पालन करावे लागेल ते पाहूया.

* लसीकरणाचे दोन डोस घेतले असावे

* मास्कचा वापर अनिवार्य करण्यात आला आहे.

*सोशल डिस्टंसिंग ठेवणे

राज्यात कोरोना विषाणूचा (Corona) प्रादुर्भाव वाढत असल्याने सरकारकडून काल नवीन नियमावली जारी करण्यात आली आहे, यामध्ये कोरोना आटोक्यात आणण्यासाठी कडक नियम आखण्यात आले होते, शनिवारी जारी केलेल्या आदेशात जिम आणि सलून बंद करण्याचे आदेश देण्यात आले होते , मात्र आज सुधारित आदेशामध्ये जिम आणि सलून सुरु ठेवण्यास परवानगी देण्यातआली आहे.

कोविड-19 संसर्गामुळे गेल्या 24 तासांत महाराष्ट्रात एकूण 13 जणांचा मृत्यू झाला असून त्यापैकी 5 जणांचा मृत्यू एकट्या मुंबईत झाला आहे. त्याच वेळी, देशाच्या आर्थिक राजधानीत गेल्या 24 तासांत कोविडच्या 20,318 नवीन प्रकरणांची नोंद झाली आहे, जी शुक्रवारच्या 20,971 पेक्षा कमी आहे. महाराष्ट्रातील आरोग्य विभागाने यापूर्वी सांगितले होते की, जेव्हा वैद्यकीय ऑक्सिजनची मागणी दररोज 800 मेट्रिक टन ओलांडते किंवा 40 टक्क्यांहून अधिक कोविड रूग्ण रुग्णालयात दाखल होतात तेव्हा राज्य लॉकडाऊनचा विचार करेल.