Anil Deshmukh: अनिल देशमुख हे बऱ्याच दिवसांपासून जामीन मिळवण्यासाठी प्रयत्न करत होते. मात्र, सीबीआयने त्यांच्या जामीनाविरोधात उच्च न्यायालयात याचिका दर्ज केली होती. मात्र, आज उच्च न्यायालयाने सीबीआयची याचिका फेटाळत अनिल देशमुखांना दिलासा दिला आहे.

याआधी अनिल देशमुखांना मुंबई उच्च न्यायालयाने अनिल देशमुख यांना १ लाख रुपयांच्या बॉन्डसह जामीन दिला होता. मात्र, सीबीआयने जामीनावर स्थगिती आणण्यासाठी उच्च न्यायालयात याचिका दर्ज केली होती. त्यानंतर त्यांच्या जामिनाला १० दिवसांसाठी स्थगिती देण्यात आली होती. आता मात्र उच्च न्यायालयाच्या निर्णयानंतर त्यांना दिलासा मिळाला आहे.

एका वर्षानंतर अनिल देशमुख तुरुगांबाहेर येणार असल्याने उच्च न्यायालयाच्या निर्णयानंतर त्यांचे कार्यकर्ते जल्लोष साजरा करत आहेत.

दरम्यान, अनिल देशमुख यांना २ नोव्हेंबर २०२१ रोजी सीबीआय ( CBI )आणि त्यानंतर ईडी ( ED ) च्या चौकशीनंतर अटक करण्यात आली होती. त्यांच्यावर भ्रष्टाचार आणि खंडणीचा आरोपही करण्यात आला होता.