सिंधुदुर्ग: पंतप्रधान नरेंद्र मोदी यांच्या हस्ते उद्घाटन झालेल्या मालवण येथील राजकोट किल्ल्यावरील छत्रपती शिवाजी महाराजांच्या पुतळा कोसळला आहे. गेल्या वर्षी ४ डिसेंबर २०२३ रोजी भारतीय नौदल दिनानिमित्त आयोजित कार्यक्रमात पंतप्रधान नरेंद्र मोदींच्या हस्ते शिवरायांच्या पुतळ्याचे उद्धाटन झाले होते. केवळ नऊ महिन्यातच शिवरायांचा पुतळा कोसळल्याने नागरिकांनी संताप व्यक्त करत आहेत.
शिवसेनान उद्धव ठाकरे गटाचे नेते विनायक राऊत यांनी याप्रकरणी नाराजी व्यक्त केली आहे. "महाराज माफ करा आम्हाला !! गद्दारांच्या हातून आपला झालेला अवमान आम्ही पाहू शकत नाही..." असे ट्विट राऊतांनी करत सरकारवर टीका केली आहे.
आमदार वैभव नाईकही आक्रमक
उद्धव ठाकरे गटाचे नेते आणि कुडाळचे आमदार वैभव नाईक देखील या घटनेवरुन आक्रमक झाले आहेत. शिवरायांच्या पुतळ्याचे काम निकृष्ट दर्जाचे केल्याचा आरोप त्यांनी केला आहे. तसेच, याप्रकरणी दोषींवर कारवाईची मागणी त्यांनी केली. नाईक यांनी राजकोट किल्ल्यावर भेट देऊन पाहणी केली.
नौसेना दिनाचे औचित्य साधून 4 डिसेंबर 2023 रोजी मालवण येथील राजकोट किल्ल्यावर छत्रपती शिवाजी महाराज पुतळ्याचे लोकार्पण करण्यात आले होते. या कार्यक्रमाला राज्याचे मुख्यमंत्री एकनाथ शिंदे, उपमुख्यमंत्री देंवेंद्र फडणवीस, अजित पवार यांच्यासह इतर नेते उपस्थित होते.
मुसळधार पावसामुळे दुर्घटना घडल्याचा अंदाज
गेल्या दोन ते तीन दिवसांपासून कोकणात वादळी वाऱ्यासह मुसळधार पाऊस सुरु आहे. याच पावसात पुतळा कोसळल्याचा अंदाज व्यक्त केला जात आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.