राहुरी तालुक्यातील गुहा या गावाजवळ नगर-मनमाड मार्गावर भीषण अपघात झाल्याची घटना समोर आली आहे, या अपघातातत एकाच कुटुंबातील दोघांचा जागीच मृत्यू झाला असून दोघे गंभीर जखमी झाले आहेत. जखमींना तातडीने शासकीय रुग्णालयात हलवण्यात आले आहे, परंतु, वाटेतच दोघांचाही मृत्यू झाला आहे. मध्य प्रदेशमधील एक कुटुंब शिर्डीमध्ये दर्शनासाठी आले होते. शिर्डीत दर्शन घेऊन शनि शिंगाणापूरला हे कुटुंब कारने चालले होते. त्यावेळी ही घटना घडली. (ahmednagar two killed and two seriously injured in accident on ahmednagar manmad highway)

शिर्डीहून शनीशिंगणापूरला जाणाऱ्या गाडीला हा अपघात झाला आहे, नगरहून सटाण्याला जाणऱ्या कारला बसने उडवले. राहुरी तालुक्यातील गुहा या गावाजवळ ही दुर्दैवी घटना घडली असून जखमींवर उपचार करण्यात येत आहेत. हा अपघात इतका भीषण होता की, या गाडीचा चक्काचूर झाला. घटनास्थळावरच दोन जणांचा मृत्यू झाला आहे. एक महिला आणि पुरूषाचा जागीच मृत्यू झाला आहे. तर एक महिला आणि मुलगा गंभीर जखमी झाली आहे. रस्त्याचे काम सुरू असल्याने एकेरी वाहतूक सुरू होती. त्याच दरम्यान दोन्ही गाड्यांची समोरासमोर धडक झाली. हे सर्व जण एकाच कुटुंबातले होते.