पुणे: देशात कोरोना व्हायरसचा(Covid-19) प्रसार मोठ्या प्रमाणात होत असतांनाच आता देशात नवीन सकंट येण्याची शक्यता दिसत आहे. खरंतर 2018 मध्ये केरळ राज्यात या विषाणूने थैमान घातले होते  त्यावेळी केरळमध्ये(Kerala) मोठ्या प्रमाणात लोकांचे मृत्यू झाले होते. त्या जिवघेण्या विषाणूचे नाव निपाह (Nipah) आहे. जो आता महाराष्ट्रात देखिल आढळून आला आहे. (After COVID 19 Nipah Virus found in this part of Maharashtra)

महाराष्ट्रातील दोन वटवाघुळांमध्ये विपाह विषाणू आढळून आल्याचे समोर येत आहे. कोरोनाच्या संकटातून महाराष्ट्र बाहेर येत असतानाच महाराष्ट्राला आता निपाह विषाणूचा धोका निर्माण होण्याची संभवताना दिसत आहे. जिवघेणा निपाह विषाणू महाराष्ट्रातील दोन वटवाघुळात आढळून आला आहे. पुण्यातील नॅशनल इन्स्टिट्यूट ऑफ वायरोलॉजीच्या शास्त्रज्ञांना महाबळेश्ववरातील गुहेत दोन वटवाघुळात निपाह विषाणू आढळला आहे.  महाराष्ट्रातील कोणत्याही वटवाघुळामध्ये यापूर्वी निपाहचा विषाणू आढळला नव्हता. मात्र, मार्च 2020 मध्ये सातारा जिल्ह्यातील महाबळेश्वरमध्ये सापडलेल्या दोन वटवाघुळांमध्ये हा विषाणू आढळला होता. हा विषाणू माणसांमध्ये पसरल्यास तो जीवघेणा ठरु शकतो, असे अभ्यासातील प्रमुख डॉ. प्रग्या यादव यांनी सांगितले.

रायगड जिल्ह्यात भात शेती लावणीला जोमात सुरवात

निपाह हा विषाणू कोरोना विषाणूपेक्षाही अधिक धोकादायक असल्याचे सांगण्यात येत आहे. निपाह विषाणूमुळे केरळ राज्यात 2018 साली झालेल्या मृत्यूतांडवाचा विचार केला असता, हा विषाणू किती धोकादायक आहे याचा अंदाज येईल. कोरोना झालेल्या रुग्णांमध्ये 1 ते 2 टक्के लोकांचा मृत्यू होतो. कोरोनाचा मृत्यूदर कमी आहे. परंतु निपाहची लागण झालेल्या रुग्णांमध्ये 65 टक्क्याहून जास्त प्रमाणात मृत्यूदर असल्याचे काही देशातून समोर आले आहे. कोरोनापेक्षाही जास्त मृत्यूदर निपाह विषाणूचा आहे.

पुण्यातील एका स्टार्टअप कंपनीने बनवला कोरोना नष्ट करणारा मास्क