मुंबई : मुंबईतील घाटकोपर परिसरात राहणाऱ्या 7 वर्षीय मुलीवर निर्जन स्थळी नेऊन तिच्यावर लैंगिक अत्याचार करणाऱ्या अरोपीला पोलिसांनी 24 तासांत अटक केली आहे. मुंबई पोलिस झोन 7 चे डीसीपी प्रशांत कदम यांनी सांगितले की, मुलगी वडापाव आणण्यासाठी जवळच्या दुकानात गेली होती, तेव्हा आरोपीने मुलीला फूस लावून दूरच्या ठिकाणी नेले आणि तिच्यावर लैंगिक अत्याचार केला आणि पळून गेला.

(7 year old girl sexually abused in Ghatkopar area)

ही बाब उघडकीस आल्यानंतर झोन 7 चे डीसीपी प्रशांत कदम यांनी 8 टीम तयार करून 24 तासांत आरोपीला अटक केली. सचिन अनंत शमा असे अटक आरोपीचे नाव असून त्याचे वय 35 वर्षे असून तो टेम्पो चालक आहे. आरोपीवर यापूर्वी विनयभंगाचा गुन्हा दाखल असून, त्याच्यावर एकूण 5 गुन्हे दाखल असल्याचे पोलिसांनी सांगितले. सध्या घाटकोपर पोलीस आरोपीला अटक करून संपूर्ण प्रकरणाचा तपास करत आहेत.

एका अधिकाऱ्याने सांगितले की, दोन वर्षांपूर्वी एका किशोरीचे अपहरण करून तिच्यावर बलात्कार केल्याप्रकरणी ठाणे पोलिसांनी पश्चिम बंगालमधील एका 27 वर्षीय तरुणाला अटक केली आहे. हिल लाइन पोलिस ठाण्याचे वरिष्ठ पोलिस निरीक्षक लक्ष्मण यांनी सांगितले की, उल्हासनगर बस्तीमध्ये गवंडी म्हणून काम करणाऱ्या आरोपीने 16 वर्षीय मुलीचे घराजवळून अपहरण केले आणि तिला पश्चिम बंगालमधील त्याच्या मूळ गावी नेले, यानंतर मुलीच्या कुटुंबीयांनी अज्ञात व्यक्तीविरुद्ध पोलिसात अपहरणाचा गुन्हा दाखल केला.