7 कोटी रुपयांच्या बनावट नोटा मुंबईच्या बाजारात चलनात आणण्याचा डाव या रॅकेटचा होता. मात्र, मुंबई पोलिसांनी वेळीच हा डाव उधळून लावला. पोलिसांनी एकूण सात आरोपींना अटक केली आहे. जप्त केलेल्या सर्व नोटा 2000 रुपयाच्या आहेत. मुंबईतील दहिसर परिसरात बनावट नोटा तयार करणाऱ्या या रॅकेटचा मुंबई गुन्हे शाखेने पर्दाफाश केला आहे. तब्बल 7 कोटी रुपयांच्या बनावट नोटा पोलीसांनी जप्त केल्या आहेत.

मुंबईमध्ये (Mumbai) आतापर्यंतची ही सर्वात मोठी कारवाई ठरली आहे. इतक्या मोठ्या प्रमाणात नोटा सापडल्यामुळे एकच खळबळ उडाली आहे. याप्रकरणी पोलिसांनी एकूण 7 आरोपींना अटक केली आहे. ही एक आंतरराष्ट्रीय टोळी आहे. या आरोपींकडून 7 मोबाईल फोन आणि एक लॅपटॉप जप्त करण्यात आला आहे. या प्रकरणाचा अधिक तपास पोलीस करत आहे.