लाहोर : पाकिस्तान क्रिकेट ( Pakistan Cricket) संघाचा माजी खेळाडू आणि फलंदाजीचा प्रशिक्षक (Batting Coach) युनूस खान (Younis Khan) याने कार्यकाळ संपण्याआधीच पदाचा राजीनामा (Resigns) दिला आहे. युनूस संघाच्या भूमिकेबद्दल नाराज होता. संघ निवडीमध्ये त्याला अधिक अधिकार हवे होते. तसेच सूत्रांच्या मते, भविष्यात पाकिस्तानचा संघ ज्याप्रमाणे बांधण्यात येत आहे. त्यावर तो समाधानी नव्हता. पाकिस्तान क्रिकेट बोर्डाकडून त्याचा राजीनामा स्विकारण्यात आला आहे.

WTC Final : विराट कोहलीच्या भांगड्याने जिंकली प्रेक्षकांची मने

युनूसचा कार्यकाळ २०२२ च्या टी-२० वर्ल्डकप पर्यंत होता. पाकिस्तानचा संघ ८ जुलै ते २० जुलै इंग्लंडच्या दौऱ्यावर जाणार असून, तेथे इंग्लंडसोबत ३ एकदिवसीय आणि ३ टी-२० सामने खेळेल. त्यावेळी संघ फलंदाजीच्या प्रशिक्षकाविनाच खेळणार आहे. २१ जुलै ते २४ ऑगस्ट या कालावधीत पाकिस्तान वेस्टइंडीच्या दौऱ्यावर जाणार आहे. या दौऱ्याआधी प्रशिक्षक पदाचा निर्णय घेण्यात येईल असे पीसीबीकडून सांगण्यात आले आहे.