Wimbledon 2023: चेक प्रजासत्ताकच्या मार्केटा वोंड्रोसोवा हिने विम्बल्डन 2023 मध्ये महिला एकेरीचे विजेतेपद पटकावले आहे. शनिवारी (15 जुलै) झालेल्या अंतिम सामन्यात वोंड्रोसोवाने ट्युनिशियाच्या ओन्स जेब्युरचा 6-4, 69-4 असा पराभव केला. वोंड्रोसोवाचे कारकिर्दीतील हे पहिले ग्रँडस्लॅम जेतेपद आहे. दोन्ही प्रतिस्पर्धींमध्ये हा सामना एक तास 20 मिनिटे चालला.

दरम्यान, 24 वर्षीय मार्केटा वोंड्रोसोवा ही विम्बल्डन (Wimbledon) चॅम्पियन बनणारी ओपन एरामधील पहिली महिला खेळाडू आहे. यापूर्वी 1963 मध्ये बिली जीन किंगने अंतिम फेरीत धडक मारली होती, परंतु त्यानंतर तिला ऑस्ट्रेलियन मार्गारेट कोर्टकडून पराभव पत्करावा लागला होता.

दुसरीकडे, ओन्स जेब्युरला अंतिम सामन्यात म्हणावी तशी कामगिरी करता आली नाही. त्याचवेळी, वोंड्रोसोवाने सुरुवातीपासूनच आक्रमक सुरुवात केली. वोंड्रोसोवाने सातपैकी सहा वेळा जेब्युरची सर्व्हिस खंडीत केली. दुसरीकडे, जेब्युरला 10 पैकी केवळ चार वेळा विरोधी खेळाडूची सर्व्हिस खंडित करता आली.

जेब्युरला सलग दुसऱ्या वर्षी विम्बल्डनच्या अंतिम फेरीत पराभव पत्करावा लागला

वोंड्रोसोवाबद्दल सांगायचे झाल्यास, ती दुसऱ्यांदा ग्रँडस्लॅमच्या अंतिम फेरीत पोहोचली होती. याआधी 2019 मध्ये फ्रेंच ओपनच्या अंतिम फेरीत तिला पराभवाचा सामना करावा लागला होता. ऑस्ट्रेलिया आणि यूएस ओपनमध्ये ती केवळ चौथी फेरी गाठू शकली.

दुसरीकडे, ओन्स जेब्युर तिसऱ्यांदा ग्रँडस्लॅमच्या अंतिम फेरीत पोहोचली होती. 2022 मध्ये विम्बल्डन आणि यूएस ओपनच्या फायनलमध्ये तिला पराभवाचा सामना करावा लागला होता. आता पुन्हा एकदा जेब्युरला पराभवाला सामना करावा लागला.