India Vs Australia Test: टीम इंडियाचा 'रन मशिन' विराट कोहली जेव्हा मैदानावर असतो, तेव्हा भल्या-भल्या बॉलर्संना धडकी भरते. त्याच्या फलंदाजीचे दिग्गज क्रिकेटर्सही दिवाने आहेत. पण टीम इंडियाचा माजी कर्णधार विराट कोहलीला डान्सचे किती वेड आहे हे सर्वांनाच माहीत आहे. त्याच्या डान्सचे व्हिडिओ सोशल मीडियावर अनेकदा व्हायरल होत असतात.

दरम्यान, अनेक मुलाखतींमध्येही विराट कोहलीने पंजाबी संगीत आणि नृत्याच्या क्रेझचा उल्लेख केला आहे. पण तुम्हाला माहिती आहे का की, एकदा या डान्समुळे विराट कोहलीला मार खावा लागला होता. खुद्द विराटनेच सोशल मीडियावर (Social Media) हा मजेशीर किस्सा सांगितला होता.

स्टार फुटबॉलपटू सुनील छेत्रीसोबत इंस्टाग्राम चॅट दरम्यान विराट कोहली (Virat Kohli) म्हणाला होता की, 'लग्नात लोक नोटा उडवून नाचतात हे मला नेहमीच मजेदार वाटते. एकदा मी नोटा उडवून जबरदस्त डान्स केला होता, त्यानंतर मात्र, मला मार खावा लागला होता.'

विराटने सांगितले की, 'एकदा आमच्या घरी काही पाहुणे आले, तेव्हा माझ्या आईने मला 50 रुपयांची नोट दिली आणि काही वस्तू घेण्यासाठी मला बाजारात पाठवले. मी घरातून बाहेर आलो आणि खाली आल्यानंतर काय झाले ते कळले नाही. मी ती नोट फाडली आणि हवेत उडवली. यानंतर मी नाचू लागलो.'

विराटच्या कारकिर्दीवर एक नजर

34 वर्षीय विराट कोहलीने 107 कसोटीत 48.13 च्या सरासरीने 8230 धावा केल्या आहेत. यामध्ये 27 शतके आणि 28 अर्धशतकांचा समावेश आहे.

एकदिवसीय सामन्यांबद्दल बोलायचे झाल्यास, त्याने 271 सामन्यात 12809 धावा केल्या आहेत. त्याने 46 शतके आणि 64 अर्धशतके केली आहेत.

T20 क्रिकेटमध्ये कोहलीने 115 सामने खेळले असून 4008 धावा केल्या आहेत. टी-20 क्रिकेटमध्ये त्याच्या नावावर 1 शतक आणि 37 अर्धशतके आहेत.