विराट कोहली रोज काही नवे विक्रम आपल्या नावावर करत असतो. मोठमोठे विक्रम करणे हा त्याच्या सवयीचा भाग बनल्याचे दिसते. या विश्वचषकात शानदार खेळी खेळून त्याने विश्वचषकाच्या इतिहासात सर्वाधिक 50+ धावांची खेळी खेळण्याचा विक्रम केला आहे. अशी कामगिरी करणारा विराट कोहली पहिला खेळाडू ठरला आहे. कोहलीने या T20 विश्वचषकातही शानदार फलंदाजी केली आहे.

• या विश्वचषकात राहिले टॉप स्कोरर

या T20 विश्वचषकात विराट कोहलीने 6 डावात 98.67 च्या सरासरीने 296 धावा केल्या आहेत. यादरम्यान त्याचा स्ट्राइक रेट 136.41 राहिला आहे. त्याच्या खेळीत 4 अर्धशतकांचा समावेश आहे. यात त्याचा स्कोर 82* होता. त्याचबरोबर तो 3 वेळा नाबाद परतला आहे. टी-20 विश्वचषकात कोहलीने सर्वाधिक धावा करण्याची ही पहिलीच वेळ नाही. याआधी त्याने 2014 च्या टी-20 वर्ल्ड कपमध्ये 319 आणि 2016 मध्ये 296 धावा केल्या होत्या. दोन्ही वेळा त्याला 'प्लेअर ऑफ द टूर्नामेंट' म्हणून गौरविण्यात आले.

• T20I मध्ये 4000 धावा पूर्ण केल्या

या विश्वचषकात त्याने आंतरराष्ट्रीय टी-20 मध्ये 4000 धावा पूर्ण केल्या. टी-20 इंटरनॅशनलमध्ये हा आकडा गाठणारा विराट कोहली पहिला खेळाडू ठरला आहे. आत्तापर्यंत त्याची आंतरराष्ट्रीय टी-20 मधील सरासरी 52.73 आहे. त्याचप्रमाणे, त्याचा स्ट्राइक रेट 137.96 आहे. याशिवाय त्याने 1 शतक आणि 37 अर्धशतके केली आहेत.

• T20 विश्वचषकात सर्वाधिक धावा

या विश्वचषकात कोहलीने T20 विश्वचषकाच्या इतिहासात सर्वाधिक धावाही पूर्ण केल्या. श्रीलंकेचा माजी क्रिकेटपटू महेला जयवर्धनेला मागे टाकत त्याने हा विक्रम केला. कोहलीने टी-20 वर्ल्ड कपमध्ये आतापर्यंत 1141 धावा केल्या आहेत. त्याने 81.50 च्या सरासरीने धावा केल्या आहेत. त्याचवेळी महेला जयवर्धनेने 1016 धावा केल्या आहेत.