आयपीएल 2022 मध्ये शनिवारी दोन सामने झाले. पहिल्या सामन्यात मुंबई इंडियन्स आणि राजस्थान रॉयल्सचा संघ आमनेसामने होता, तर दुसऱ्या सामन्यात गुजरात टायटन्सचा सामना दिल्ली कॅपिटल्सशी झाला. (Tilak Varma six hits cameraman during IPL match)

पहिल्या सामन्यात राजस्थानने मुंबईचा तर दुसऱ्या सामन्यात गुजरातने दिल्लीचा पराभव केला. प्रथम फलंदाजी करताना राजस्थानने 193 धावा केल्या, त्याला प्रत्युत्तरात मुंबईचा संघ केवळ 170 धावा करू शकला आणि सामना 23 धावांनी गमावला. त्याचवेळी, दुसऱ्या सामन्यात गुजरातने प्रथम फलंदाजी करताना 171 धावा केल्या होत्या. प्रत्युत्तरात दिल्लीचा (Delhi) संघ केवळ 157 धावा करू शकला.

हा सामना पाहण्यासाठी मुंबई इंडियन्सचा कर्णधार रोहित शर्माची (Rohit Sharma) पत्नी रितिका सजदेहही आली होती. मात्र या सामन्यात रोहितला फार काही करता आले नाही. तो अवघ्या 10 धावा करून बाद झाला. रोहित आऊट झाल्यावर रितिका खूपच निराश दिसत होती. यावेळी त्यांच्यासोबत मुलगी अदाराही उपस्थित होती.

या सामन्यात मुंबईचा फलंदाज कायरॉन पोलार्डच्या हातातून बॅट सुटली. तो आपल्या संघाला विजय मिळवून देऊ शकला नाही. पोलार्डने या सामन्यात 24 चेंडूत 22 धावा केल्या. त्याच्या खेळीत तीन चौकार आणि एका षटकाराचा समावेश होता.

टिळक वर्मा शानदार फलंदाजी करत होता. यादरम्यान, मुंबई इंडियन्स (MI) संघाच्या डावाच्या 12व्या षटकात टिळकने रियान परागच्या चेंडूवर शानदार षटकार ठोकला, जो थेट कॅमेरामनला लागला. मात्र, कॅमेरामनला फारशी दुखापत झाली नाही.