भारतीय संघ (Team India) या महिन्यात होणार्‍या दक्षिण आफ्रिकेत (South Africa) जाणार आहे, परंतु केवळ कसोटी आणि एकदिवसीय सामने ते खेळणार आहेत. टी-20 मालिका नंतर खेळवली जाणार आहे. बीसीसीआयचे (BCCI) सचिव जय शाह (Jai Shah) यांनी ही माहिती दिली. भारतीय संघ दक्षिण आफ्रिकेत फक्त तीन एकदिवसीय आणि तीन कसोटी सामने खेळणार आहे तर चार सामन्यांची टी-20 मालिका नंतर आयोजित करण्यात येणार आहे. कोविडच्या ओमिक्रॉन या नव्या व्हेरिएंटमुळे या दौऱ्यावर काळे ढग दाटून आले होते. हा दौरा पुढे ढकलला जाईल किंवा रद्द केला जाईल अशी भीती व्यक्त केली जात होती, परंतु बीसीसीआयने काही बदल करुन हा दौरा सुरु ठेवण्याचा निर्णय घेतला आहे.

हा भारत दौरा 17 डिसेंबरपासून सुरू होणार आहे. साहा यांनी वृत्तसंस्था एएनआयला सांगितले की, "बीसीसीआयने सीएसएला सांगितले की भारतीय संघ तीन कसोटी आणि तीन एकदिवसीय सामन्यांसाठी दक्षिण आफ्रिकेचा दौरा करेल. त्याचवेळी चार सामन्यांची टी-20 मालिका नंतर खेळवली जाईल.

प्रेक्षकाविना सामने खेळवले जातील

या दौऱ्यातील सामने प्रेक्षकांशिवाय खेळवले जातील, असेही पीटीआयने आपल्या वृत्तात सांगितले होते. सीएसएसाठी हा भारत दौरा खूप महत्त्वाचा आहे, कारण या दौऱ्यातून टीव्ही हक्कांद्वारे करोडो रुपये कमावले जाणार आहेत. बीसीसीआयसाठी सर्वात मोठा फायदा म्हणजे सध्या सुरू असलेला भारत अ दौरा. भारत-अ सध्या दक्षिण आफ्रिकेच्या दौऱ्यावर आहे जिथे ते तीन सामन्यांची कसोटी मालिका खेळत आहेत.

अधिकाऱ्याने सांगितले, “आम्हाला मिळालेली माहिती अशी आहे की, सीएसएने तयार केलेला बायो बबल सुरक्षित आहे. तसेच, हा विषाणू किती धोकादायक आहे हे सांगणारा असा कोणताही डेटा आतापर्यंत उपलब्ध नाही. तसेच या दौऱ्याबाबत सरकारकडून आम्हाला कोणतीही माहिती मिळालेली नाही. टीम लवकरच बायो बबलमध्ये प्रवेश करेल आणि चार्टर फ्लाइटने निघून जाईल. जरी विलंब झाला तरी, ते बबल टू बबल ट्रान्सफर असेल, त्यामुळे कठोर अलग ठेवणे आवश्यक नाही.