Team India New Jersey: टीम इंडिया 2023 मधील पहिली मालिका श्रीलंकेविरुद्ध खेळणार आहे. 3 जानेवारीपासून दोन्ही संघांमध्ये तीन टी-20 सामन्यांची मालिका खेळवली जाणार आहे. या मालिकेपूर्वी टीम इंडियाच्या जर्सीत मोठा बदल करण्यात आला आहे. या मालिकेत टीम इंडिया एका नव्या टायटल स्पॉन्सरसोबत मैदानात उतरणार आहे, ज्याचे फोटोही समोर आले आहेत. भारतीय संघाच्या जर्सीचा टायटल स्पॉन्सर आता एमपीएलऐवजी किलर ब्रँड बनला आहे. टीम इंडिया आता किलर ब्रँडच्या लोगोची जर्सी परिधान करुन मैदानात उतरणार आहे.

दरम्यान, मॅजिकल स्पिनर यजुवेंद्र चहलने (Yajuvendra Chahal) टीम इंडियाच्या नवीन जर्सीसोबतचा एक फोटो सोशल मीडियावर शेअर केला आहे. या फोटोमध्ये किलर ब्रँडचा लोगो स्पष्ट दिसत आहे. दोन्ही संघांदरम्यान खेळल्या गेलेल्या या T20 मालिकेत हार्दिक पांड्या (Hardik Pandya) टीम इंडियाची कमान सांभाळत आहे, तर सूर्यकुमार यादवला या संघाचा उपकर्णधार बनवण्यात आले आहे.

तसेच, या मालिकेतील पहिला सामना (IND vs SL 1st T20) मुंबईतील वानखेडे स्टेडियमवर खेळवला जाईल. टी-20 मालिकेनंतर दोन्ही संघांमध्ये 3 सामन्यांची एकदिवसीय मालिकाही खेळवली जाणार आहे.