भारताचा फलंदाज सूर्यकुमार यादवने (Suryakumar Yadav) मंगळवारी सेंट किट्समधील वॉर्नर पार्क येथे वेस्ट इंडिजविरुद्धच्या तिसऱ्या टी-20 सामन्यात विजयी 76 धावांची खेळी खेळली आहे. पाच सामन्यांच्या मालिकेत टीम इंडियाला 2-1 अशी आघाडी घेतल्यानंतर, सूर्यकुमारने त्याच्या समर्थकांप्रती केलेल्या हावभावाने सर्वांचे मन जिंकले आहे. (Suryakumar Yadav wins the hearts of fans once again BCCI shared a video)

बीसीसीआयने ट्विटरवर फलंदाजाचा एक व्हिडिओ पोस्ट केला, ज्यामध्ये तो गर्दीत त्याच्या चाहत्यांशी हस्तांदोलन करताना आणि त्यांना ऑटोग्राफ देताना दिसून येतो आहे. व्हिडिओमध्ये काही चाहते सूर्यकुमारसोबत सेल्फी घेतानाही आपल्याला दिसून येतात.

सूर्यकुमार यादव त्याच्या कारकिर्दीतील सध्या सर्वोत्तम फॉर्ममध्ये आहे. वेस्ट इंडिजविरुद्धच्या तिसऱ्या टी-20 सामन्यात सामनावीराचा पुरस्कार पटकावल्यानंतर सूर्यकुमार यादव म्हणाला की, मी काही विशेष केलेले नाही, फक्त खेळाचा आनंद घेतला आहे.

मॅचबद्दल बोलायचे झाले तर टीम इंडिया 165 रनांचा पाठलाग करत होती. या मालिकेत भारतीय संघाने आता 3-1 अशी आघाडी घेतली. सूर्यकुमार यादव आता टी-20 क्रमवारीमध्ये पाकिस्तानचा कर्णधार बाबर आझमनंतर दुसऱ्या क्रमांकावर आला आहे.