Sourav Ganguly: आजवर देशभरातील अनेक सेलेब्रिटी, मान्यवरांना कोरोनाची लागण झाली आहे. यामध्ये अनेकजण आपले आवडते सेलेब्रिटीसुद्धा आहेत. राजकारण, सिनेसृष्टी, क्रीडा अश्या सर्वच क्षेत्रातील लोकांना कोरोनाची लागण (Sourav Ganguly infected with corona) झाल्याच्या बातम्या आपण पहिल्या आहेत. यातच आता क्रिकेट विश्वातील मोठे नाव असलेले सौरव गांगुली हे कोरोना पॉझिटिव्ह असल्याचे वृत्त समोर येत आहे.

बीसीसीआयचे (BCCI) अध्यक्ष सौरव गांगुली (Sourav Ganguly) यांना कोरोनाची लागण झाली आहे. सूत्रांकडून मिळालेल्या माहितीनुसार, कोलकाता (Kolkata) येथील वुडलँड रुग्णालयात त्यांना दाखल करण्यात आले आहे. त्यांनी सोमवारी रात्री कोरोना चाचणी (Corona Test) केली होती. त्यानंतर त्यांचा रिपोर्ट पॉझिटिव्ह आल्यावर ते कोरोना उपचारासाठी रुग्णालयात दाखल झाले आहेत. सौरव गांगुली यांना पहिल्यांदाच कोरोनाची लागण झाली आहे.

उपचारासाठी सध्या त्यांच्या प्रकृतीबद्दल अजून अधिकृत माहिती मिळालेली नाही. ते लवकरात लवकर ठीक व्हावेत, अशी आशा क्रिकेट प्रेमींकडून व्यक्त केली जात आहे.