Serena Williams Retires: जगभरात टेनिसच्या माध्यमातून आपला ठसा उमटवणारी अमेरिकेची महान टेनिसपटू सेरेना विल्यम्स हिने निवृत्तीची घोषणा केली आहे. 40 वर्षीय टेनिस दिग्गज इंस्टाग्रामवर लिहिले की, 'आयुष्यात एक वेळ अशी येते, जेव्हा आपल्याला वेगळ्या दिशेने जाण्याचा निर्णय घ्यावा लागतो. जेव्हा आपण एखाद्या गोष्टीवर खूप प्रेम करतो, तेव्हा त्या वेळा नेहमीच कठीण असतात. मी टेनिसचा आनंद घेते. मात्र आता उलटी गिनती सुरु झाली आहे.'

सेरेनाने इन्स्टाद्वारे निवृत्तीची घोषणा केली

सेरेना विल्यम्सने (Serena Williams) इंस्टाग्रामवर पोस्ट केली. ज्यामध्ये तिने म्हटले की, 'आयुष्यात एक वेळ अशी येते जेव्हा आपल्याला वेगळ्या दिशेने जाण्याचा निर्णय घ्यावा लागतो. जेव्हा आपण एखाद्या गोष्टीवर खूप प्रेम करतो, तेव्हा त्या वेळा नेहमीच कठीण असतात. मी टेनिसचा आनंद घेते. मात्र आता उलटी गिनती सुरु झाली आहे.'

यूएस ओपनचे जेतेपद 6 वेळा जिंकले

सेरेना विल्यम्सने यूएस ओपनमध्ये चमकदार कामगिरी करताना आपल्या कारकिर्दीत एकूण 6 वेळा हे विजेतेपद पटकावले होते. तिने 1999, 2002, 2008, 2012, 2013 आणि 2014 मध्ये यूएस ओपनचे विजेतेपद पटकावले. त्याच वेळी, ती 23 वेळा ग्रँडस्लॅम विजेती देखील राहिली आहे. मात्र, काही काळापासून ती दुखापतींनी त्रस्त होती. टेनिस (Tennis) कोर्टवरील तिचा फॉर्म साथ देत नव्हता. तिच्या खराब फॉर्ममुळे तिच्या निवृत्तीची चर्चा बऱ्याच दिवसांपासून सुरु होती.