पणजी : निखिल दिवगीकर याच्या नाबाद शतकाच्या बळावर साई स्पोर्टस क्लबने गोवा क्रिकेट असोसिएशनच्या (GCA) उत्तर विभागीय ब गट क्रिकेट स्पर्धेत शानदार विजयाची नोंद केली. त्यांनी क्रिकेट क्लब ऑफ आल्तिनो संघाला सहा विकेट्स राखून हरविले. सामना गुरुवारी पर्वरी येथील जीसीए अकादमी मैदानावर झाला. (Sai Sports Club recorded a great victory)

क्रिकेट (Cricket) क्लब ऑफ आल्तिनोने प्रथम फलंदाजी (batting) करताना ६ बाद २४६ धावा केल्या, नंतर निखिलच्या शतकामुळे साई क्लबने ४ बाद २५० धावा करून सामना जिंकला. निखिलने ८८ चेंडूंत १४ चौकार व एका षटकाराच्या मदतीने १०७ धावा केल्या. त्याने नेहाल मांद्रेकर (५४) याच्यासमवेत चौथ्या विकेटसाठी १४९ धावांची भागीदारी करून संघाचा विजय (Victory) निश्चित केला. आल्तिनो संघाच्या उत्कर्ष (६१) व आशुतोष नाटेकर (५५) यांची अर्धशतके झाकोळली गेली.

संक्षिप्त धावफलक : क्रिकेट (Cricket) क्लब ऑफ आल्तिनो : ४० षटकांत ६ बाद २४६ (विठ्ठलराज सांगोडकर २२, आशुतोष नाटेकर ५५, उत्कर्ष ६१, गौरांग धुरी ४८, नीलांग नाईक नाबाद ३८, नेहाल मांद्रेकर १-२९, मनोज हळदणकर २-५५, विनायक मुळगावकर १-१४, महेश कोरगावकर १-३३)

पराभूत वि. साई स्पोर्टस क्लब : ३४.३ षटकांत ४ बाद २५० (रोहित सोपान १२, राजेश वायंगणकर ४१, संदेश पांड्रे १२, निखिल दिवगीकर नाबाद १०७, नेहाल मांद्रेकर ५४, परशुराम हसमणी १-५३, सिताराम मयेकर ३-४२).