भारतीय क्रिकेट नियामक मंडळाचे (BCCI) 36 वे अध्यक्ष म्हणून रॉजर बिन्नी यांची निवड करण्यात आली आहे. सौरव गांगुलीनंतर आता रॉजर बिन्नी (Roger Binny) या पदाची जवाबदारी स्वीकारणार आहेत. रॉजर बिन्नी यांनी या पदासाठी एकट्याने नामांकन केले होते. त्यामुळे ही निवड बिनविरोध होणार हे निश्चित मानले जात होते. रॉजर बिन्नी सध्या कर्नाटक राज्य क्रिकेट संघटनेचे अध्यक्ष आहेत.

रॉजर बिन्नी यापुर्वी बीसीसीआयच्या (BCCI) निवड समितीचा एक भाग होते. तसेच रॉजर बिन्नी यांचा मुलगा स्टुअर्ट बिन्नीही टीम इंडियाकडून खेळला आहे. स्टुअर्ट बिन्नींच्या निवडीदरम्यान रॉजर बिन्नींवर मुलाला भारतीय संघात स्थान मिळवून दिल्याचा आरोप करण्यात आला होता.