Wriddhiman Saha | Virat Kohli  Dainik Gomantak
क्रीडा

Wriddhiman Saha: जेव्हा किंग कोहलीही होतो साहाचा फॅन, लखनऊविरुद्धच्या तुफानी फिफ्टीनंतर 'असं' केलं कौतुक

लखनऊ सुपर जायंट्सविरुद्ध आक्रमक फिफ्टी ठोकल्यानंतर विराट कोहलीने वृद्धिमान साहाचे कौतुक केले आहे.

Pranali Kodre

Virat Kohli Instagram Post for Wriddhiman Saha: इंडियन प्रीमियर लीग 2023 स्पर्धेत शनिवारी पार पडलेल्या 51 व्या सामन्यात गुजरात टायटन्सने लखनऊ सुपर जायंट्स विरुद्ध 56 धावांनी विजय मिळवला. गुजरातच्या या विजयात यष्टीरक्षक फलंदाज वृद्धिमान साहाचा मोठा वाटा होता. त्याने या सामन्यात दमदार खेळ केला. त्याच्या खेळीचे विराट कोहलीनेही कौतुक केले.

या सामन्यात गुजरातने प्रथम फलंदाजी केली होती. गुजरातकडून साहाने शुभमन गिलबरोबर सलामीला फलंदाजी करताना सुरुवातीपासूनच आक्रमक पवित्रा स्विकारला होता. त्याने 20 चेंडूतच त्याचे अर्धशतक पूर्ण केले. त्याने तुफानी फलंदाजी करताना गिलबरोबर शतकी भागीदारी केली.

पण त्याला 13 व्या षटकात अवेश खानने बाद केले. साहाने 43 चेंडूत 81 धावांची खेळी केली. या खेळीत त्याने 10 चौकार आणि 4 षटकार मारले. हे त्याचे चालू हंगामातील पहिले, तर एकूण आयपीएलमधील 12 वे अर्धशतक आहे. त्याने गिलबरोबर 142 धावांची सलामी भागीदारी केली. त्याच्या या खेळीचे रॉयल चॅलेंजर्स बेंगलोरचा माजी कर्णधार विराटनेही कौतुक केले.

Virat Kohli Instagram Story

विराटने इंस्टाग्राम स्टोरीवर साहाचा सामन्यादरम्यानचा फोटो शेअर करत लिहिले की 'अविश्वसनीय खेळाडू.' विराटची ही इंस्टाग्राम स्टोरी सध्या चांगलीच व्हायरल होत आहे.

दरम्यान, सामन्याबद्दल सांगायचे झाल्यास गुजरातकडून साहापाठोपाठ शुभमन गिलनेही आक्रमक खेळत नाबाद 94 धावांची खेळी केली. 51 चेंडूत केलेल्या या खेळीत तब्बल 7 षटकार आणि 2 चौकार मारले. त्यामुळे गुजरातने प्रथम फलंदाजी करताना 20 षटकात 2 बाद 227 धावांचा डोंगर उभा केला.

त्यानंतर 228 धावांच्या आव्हानाचा पाठलाग करताना लखनऊला 20 षटकात 7 बाद 171 धावाच करता आल्या. लखनऊकडून क्विंटन डी कॉकने 70 धावांची खेळी केली. तसेच काईल मेयर्सने 48 धावांची खेळी केली. गुजरातकडून मोहित शर्माने सर्वाधिक 4 विकेट्स घेतल्या. तसेच नूर अहमद, राशीद खान आणि मोहम्मद शमी यांनी प्रत्येकी 1 विकेट घेतली.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Battle of Galwan: रक्ताने माखलेला चेहरा, हातात धारदार शस्त्र अन् डोळ्यात देशभक्तीची चमक, 'गलवान'मधील सलमानचा पहिला लूक आला समोर

ED Goa: गोव्यात ईडीची झाडाझडती; 'सडा अर्बन'ची 1.05 कोटींची मालमत्ता तर जमीन हडप प्रकरणी संदीप वझरकर 3.19 कोटींची जमीन जप्त

Video: अप्रतिम अन् शानदार...! भर पावसात मुलांसोबत 'गजराज'नं लुटला क्रिकेटचा आनंद; सोशल मीडियावर व्हिडिओ व्हायरल

Goa: भर पावसात प्रवासी बोट नदीत बुडाली; बाहेर काढण्यासाठी गोवा सरकारने 11 दिवसांत खर्च केले 20 लाख रुपये

Multiple Organ Failure Diseases: एकाच आजारानं हृदय, यकृत अन् मूत्रपिंड खराब होऊ शकतं का? जाणून घ्या वैज्ञानिक कारण अन् प्रतिबंधात्मक उपाय

SCROLL FOR NEXT