Pakistani cricketer gave place to four Indians in best test team of 2021

 

Dainik Gomantak

क्रीडा

2021 च्या सर्वोत्तम कसोटी संघात पाकिस्तानी क्रिकेटपटूने चार भारतीयांना दिले स्थान

त्याने निवडलेल्या 12 जणांच्या संघात चार भारतीय खेळाडू आहेत.

दैनिक गोमन्तक

पाकिस्तान क्रिकेट संघाचा माजी फिरकीपटू दानिश कनेरिया याने 2021 चा त्याचा आवडता सर्वोत्तम कसोटी संघ निवडला आहे. कनेरियाने आपल्या संघात 12 खेळाडूंची निवड केली, मात्र त्यात भारतीय कसोटी कर्णधार विराट कोहली (Virat Kohli) आणि वेगवान गोलंदाज जसप्रीत बुमराह (Jasprit Bumrah) यांचा समावेश नाही. त्याने निवडलेल्या 12 जणांच्या संघात चार भारतीय खेळाडू आहेत, तर पाकिस्तान, इंग्लंड, ऑस्ट्रेलिया आणि न्यूझीलंडच्या प्रत्येकी दोन खेळाडूंचा त्यात समावेश आहे.

दानिश कनेरियाने (Danish Kaneria) रोहित शर्मा आणि केएल राहुलला त्याच्या संघात सलामीवीर म्हणून निवडले, तर त्याच्याकडे दिमुथ करुणारत्ने आणि आबिद अलीसारख्या खेळाडूंचा पर्यायही होता. 2021 मध्ये रोहितने 11 कसोटी सामन्यांमध्ये 2 शतके आणि 4 अर्धशतकांसह 906 धावा केल्या. दुसरीकडे, केएल राहुलने पाच कसोटी सामन्यांमध्ये 46.10 च्या सरासरीने 461 धावा केल्या, ज्यात दोन शतके आणि एक अर्धशतक आहे. कनेरियाने आपल्या संघात तिसऱ्या क्रमांकाचा फलंदाज म्हणून इंग्लंडचा कर्णधार जो रूटची निवड केली. जो रूटने 2021 साली कसोटी क्रिकेटमध्ये सहा शतकांसह सर्वाधिक 1708 धावा केल्या.

त्याचवेळी कनेरियाने केन विल्यमसनचीही आपल्या संघात निवड केली आणि त्याला आपल्या आवडत्या कसोटी संघाचा कर्णधार बनवले. त्याने पाकिस्तानच्या फवाद आलमची संघात पाचव्या क्रमांकाची फलंदाज म्हणून निवड केली तर ऋषभ पंतची यष्टीरक्षक-फलंदाज म्हणून संघात निवड झाली. यानंतर त्याने आपल्या संघात काईल जेमिसन आणि आर अश्विनला अष्टपैलू म्हणून स्थान दिले. अश्विनने 2021 मध्ये कसोटी फॉर्मेटमध्ये सर्वाधिक 54 विकेट घेतले. त्यानंतर त्याने जेम्स अँडरसन, जोस हेझलवूड आणि शाहीन शाह आफ्रिदी यांना वेगवान गोलंदाज म्हणून निवडले, तर ऑस्ट्रेलियाच्या मार्नस लॅबुशेनची संघातील 12 वा खेळाडू म्हणून निवड करण्यात आली.

दानिश कनेरियाचा 2021 चा सर्वोत्कृष्ट कसोटी संघ

रोहित शर्मा, केएल राहुल, जो रूट, केन विल्यमसन, फवाद आलम, ऋषभ पंत, काइल जेमिसन, आर अश्विन, जेम्स अँडरसन, जोश हेझलवूड, शाहीन आफ्रिदी, मार्नस लॅबुशेन.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Shehbaz Sharif: भारताला शत्रू म्हटले, युद्ध जिंकल्याचा केला दावा, शेवटी शांततेसाठी मागितली भीख; पाकच्या पंतप्रधानांचा युएनमध्ये थापांचा पाऊस

रावळपिंडी एक्सप्रेसचं स्लिप ऑफ टंग! अख्तरच्या तोंडून अभिषेक शर्माऐवजी अभिषेक बच्चनचं नाव, त्याने पोस्ट करत दिली प्रतिक्रिया Watch Video

Shehbaz Sharif Video: 'पाकिस्तान दहशतवाद कधी थांबवणार?' रिपोर्टरच्या थेट प्रश्नावर काय म्हणाले शाहबाज शरीफ? शाब्दिक चकमकीचा व्हिडिओ व्हायरल

43.20 कोटींच्या कोकेन प्रकरणात आरोपीला सशर्त जामीन मंजूर; दक्षिण गोवा जिल्हा सत्र न्यायालयाचा मंगेश वाडेकरला दिलासा

Goa Crime: 17 वर्षीय मुलीला पळवून नेऊन केला लैंगिक अत्याचार, डिचोलीतील घटनेनं खळबळ; कणकवलीच्या तरुणाला अटक

SCROLL FOR NEXT