Pakistan Cricket Team: पाकिस्तान क्रिकेट संघ सध्या श्रीलंकेत दोन सामन्यांची कसोटी मालिका खेळत आहे. यानंतर संघ अफगाणिस्तानविरुद्ध तीन सामन्यांची एकदिवसीय मालिका खेळेल आणि त्यानंतर आशिया कप 2023 खेळताना दिसेल.

त्यानंतर पाकिस्तान थेट आयसीसी क्रिकेट विश्वचषक 2023 मध्ये दिसेल. मात्र, आणखी एक बातमी समोर आली आहे की, 2023 च्या विश्वचषकानंतर पाकिस्तान संघ एक वर्ष एकदिवसीय आंतरराष्ट्रीय क्रिकेट खेळणार नाही.

दरम्यान, 2023 च्या विश्वचषक स्पर्धेत पाकिस्तान (Pakistan) संघाचा प्रवास संपेल तेव्हा हाच सामना पाकिस्तान संघाचा पुढील वर्षातील शेवटचा वनडे सामना असेल. हे कोणत्याही बंदी किंवा इतर कोणत्याही निर्बंधामुळे होणार नाही, तर पाकिस्तान संघाचे इतर कोणत्याही संघासोबत एकदिवसीय मालिकेचे वेळापत्रक नसल्यामुळे होईल.

पाकिस्तान क्रिकेट बोर्ड अर्थात PCB ने अलीकडेच सुधारित FTP जाहीर केला आहे, ज्यामध्ये एकही एकदिवसीय सामना नाही.

खरे तर, मंगळवार, 18 जुलै रोजी, पीसीबीने त्यांच्या अधिकृत ट्विटर अकाऊंटवर 2023-24 साठी FTP (फ्यूचर टूर प्रोग्राम) जाहीर केला, ज्यामध्ये वर्ल्ड कप 2023 नंतर ऑस्ट्रेलियाचा दौरा आहे, परंतु संघ 3 कसोटी खेळणार आहे.

डिसेंबर-जानेवारी 2024 मध्ये तिथे सामने होतील. त्यानंतर जानेवारीत न्यूझीलंडविरुद्ध पाच टी-20 सामने होणार आहेत. न्यूझीलंडचा संघ एप्रिलमध्ये पाकिस्तानविरुद्ध तेवढेच सामने खेळणार आहे. मे महिन्यात नेदरलँड्सविरुद्ध तीन टी-20 सामने होणार आहेत.

दुसरीकडे, मे 2024 मध्ये आयर्लंड विरुद्ध 2 आणि इंग्लंड (England) विरुद्ध चार T20 सामने समाविष्ट आहेत. पाकिस्तान हे करत आहे कारण जून 2024 मध्ये वेस्ट इंडिज आणि अमेरिकेच्या भूमीवर टी-20 विश्वचषक खेळवला जाणार आहे आणि त्याच्या तयारीमुळे संघ फक्त टी-20 क्रिकेटवर लक्ष केंद्रित करेल. अशाप्रकारे, पुढील एक वर्षात पाकिस्तानचे एकही एकदिवसीय सामन्याचे वेळापत्रक नाही.