PAK vs NZ: पाकिस्तानचा वेगवान गोलंदाज नसीम शाहने शानदार गोलंदाजी करुन सर्वांनाच थक्क केले. नसीमने न्यूझीलंडविरुद्धच्या पहिल्या एकदिवसीय सामन्यात 10 षटकांत 29 धावा देऊन 2 बळी घेतले.

यासह त्याने कारकिर्दीतील पहिल्या 6 एकदिवसीय सामन्यांमध्ये सर्वाधिक विकेट्स घेण्याचा विश्वविक्रम केला.

गुरुवारी रावळपिंडीत न्यूझीलंडविरुद्धच्या पहिल्या एकदिवसीय सामन्यात दोन बळी घेतल्यानंतर नसीमने आता 6 एकदिवसीय सामन्यांमध्ये 20 बळी घेतले आहेत. हा विक्रम यापूर्वी न्यूझीलंडच्या मॅट हेन्रीच्या नावावर होता, ज्याने 6 सामन्यात 19 बळी घेतले होते.

न्यूझीलंडचा वरचष्मा आहे

स्टँड-इन कर्णधार टॉम लॅथमच्या नेतृत्वाखाली न्यूझीलंडने पाकिस्तानमध्ये चांगली कामगिरी केली. संघाने टी-20 मालिका 2-2 अशी बरोबरीत सोडवल्यानंतर पहिल्या वनडेत त्यांना पराभवाचा सामना करावा लागला.

दुसरीकडे, आझमच्या नेतृत्वाखाली पाकिस्तानने सातपैकी पाच वनडे मालिका जिंकल्या आहेत. त्याला 2021 मध्ये इंग्लंड (England) आणि या वर्षी जानेवारीत न्यूझीलंडविरुद्ध दोन पराभव पत्करावे लागले होते.

तसेच, न्यूझीलंड आणि पाकिस्तान (Pakistan) यांच्यातील वनडे मालिकेत आतापर्यंत न्यूझीलंडचा वरचष्मा आहे.

त्यांच्यातील शेवटच्या 6 एकदिवसीय मालिकेपैकी, न्यूझीलंडने 5 जिंकले आहेत तर एक अनिर्णित राहिली आहे.

2011 मध्ये मायदेशात पाकिस्तानविरुद्ध त्यांचा शेवटचा मालिका पराभव झाला होता. एकदिवसीय मालिकेतील इतर सामने शनिवारी रावळपिंडी आणि त्यानंतर 3, 5 आणि 7 मे रोजी कराची येथे होणार आहेत.

पाकिस्तान संघ

फखर जमान, इमाम-उल-हक, बाबर आझम (क), शान मसूद, मोहम्मद रिझवान (व.), आगा सलमान, शादाब खान, मोहम्मद नवाज, शाहीन आफ्रिदी, नसीम शाह, हरिस रौफ.