Shehbaz Sharif Tweet On Team India Defeat: टी-20 विश्वचषकात इंग्लंडकडून उपांत्य फेरीत टीम इंडियाचा पराभव झाल्याने भारतीय प्रेक्षकांची निराशा झाली आहे. या पराभवावर जगभरातून प्रतिक्रिया उमटत आहेत. या एपिसोडमध्ये पाकिस्तानचे पंतप्रधान शाहबाज शरीफ यांनी टीम इंडियाच्या पराभवावर ट्विट केले आहे, जे कदाचित भारतातील क्रिकेटप्रेमींना आवडणार नाही. अंतिम सामन्याबाबत त्यांनी हे ट्विट केले आहे.

'152/0 वि 170/0 रविवारी'

वास्तविक, पाकिस्तानचे पंतप्रधान शाहबाज शरीफ यांनी ट्विटमध्ये म्हटले की, 'या रविवारी 152/0 विरुद्ध 170/0 असा सामना होणार आहे.' शाहबाज शरीफ यांनी या ट्विटमध्ये याशिवाय इतर कशाचाही उल्लेख केला नाही, परंतु प्रत्यक्षात शाहबाज शरीफ यांचे हे ट्विट टीम इंडियाला (Team India) टोमणे मारणारे आहे. कारण ते पाकिस्तान आणि इंग्लंडचे स्कोअरकार्ड आहे, ज्यात दोघांनी भारताचा 10 विकेटने पराभव केला आहे.

दोन्हीमध्ये भारताचा 10 विकेट्सनी पराभव!

पहिले स्कोअरकार्ड हे पाकिस्तानचे 152/0 आहे, जेव्हा शेवटच्या T20 विश्वचषकाच्या ग्रुप सामन्यात भारताला त्यांच्या पहिल्याच सामन्यात पाकिस्तानकडून दहा गडी राखून पराभव स्वीकारावा लागला होता. त्यावेळीही भारताच्या (India) गोलंदाजांना पाकिस्तानची एकही विकेट घेता आली नव्हती. तर दुसरे स्कोअरकार्ड 170/0 हे आजच्या उपांत्य फेरीचे आहे, जेव्हा इंग्लंडने भारताचा दहा गडी राखून पराभव केला. यामध्येही भारताला इंग्लंडची (England) एकही विकेट घेता आली नाही.

सोशल मीडियावर यूजर्स संतापले

यावर पाकिस्तानच्या पंतप्रधानांनी टोमणा मारला असला तरी त्यांचे ट्विट लोक पसंत करत नाहीत. सोशल मीडियावरील अनेक युजर्स यावर संतापले आहेत. विश्वचषकातील पाकिस्तानविरुद्धच्या भारताच्या सर्वोत्तम विक्रमांचा उल्लेख करत आहेत. या दोन्ही प्रसंगी भारताचा दहा गडी राखून दारुण पराभव झाला हेही सत्य आहे.

टीम इंडियाचा प्रवास संपला

सध्या टी-20 विश्वचषक 2022 मधील भारतीय संघाचा प्रवास संपुष्टात आला आहे. अ‍ॅडलेडमध्ये गुरुवारी झालेल्या उपांत्य फेरीच्या सामन्यात टीम इंडियाला दहा गडी राखून पराभव स्वीकारावा लागला. भारताने इंग्लंडला विजयासाठी 169 धावांचे लक्ष्य दिले होते, जे त्यांनी सहज गाठले. आता अंतिम सामन्यात इंग्लंडचा संघ पाकिस्तानशी भिडणार आहे.