न्युझीलंड भूमीवर कसोटी सामना जिंकणे ही कोणत्याही परदेशी संघासाठी मोठी गोष्ट असते. गेल्या 10 वर्षात भारत, पाकिस्तान आणि श्रीलंका यासारख्या आशियाई संघांनी येथे एकही कसोटी जिंकली नाही, परंतु बांग्लादेशने ही मालिका खंडित केली आहे. बांग्लादेशने बे ओव्हल मैदानावर खेळल्या गेलेल्या दोन सामन्यांच्या मालिकेतील पहिल्या कसोटीत टीमचे आठ गडी राखून पराभव करून ही 10 वर्षे जुनी मालिका खंडित केली. गेल्या 10 वर्षात न्युझीलँडमध्ये केवळ दोनच कसोटी संघ विजयाची नोंद करू शकले आहेत. ऑस्ट्रेलिया आणि दक्षिण आफ्रिकेशिवाय, गेल्या 10 वर्षात इतर कोणत्याही संघाला घरच्या मैदानावर न्युझीलंडचा पराभव करता आला नाही.

गेल्या 10 वर्षात न्यूझीलंडने घरच्या मैदानावर एकूण 40 कसोटी सामने खेळले आहेत आणि या कालावधीमध्ये केवळ पाच वेळा पराभव स्वीकारावा लागला आहे. न्युझीलँडचा ऑस्ट्रेलिया आणि दक्षिण आफ्रिकेकडून दोनदा पराभव झाला आहे, तर बांग्लादेशने एकदा ही कामगिरी केली आहे. इंग्लंडने (England) गेल्या 10 वर्षात न्युझीलंडमध्ये सर्वाधिक कासोटी सामने खेळले आहेत, परंतु त्यापैकी एकही कसोटी सामना जिंकलेला नाही, तर श्रीलंकेने (Sri-lanka) गेल्या 10 वर्षात न्युझीलंडच्या भूमीवर सहा वेळा कसोटी सामने खेळले आहेत, परंतु एकही सामना जिंकलेला नाही. न्युझीलँडमध्ये गेल्या 10 वर्षात भारत आणि पाकिस्तान या दोन्ही संघांनी प्रत्येकी चार कसोटी सामने खेळले आहेत, परंतु हे दोन्ही संघ विजयापासून दूर राहिले.

भारताने (India) एक मॅच ड्रॉ केली, तर पाकिस्तानने चारही सामने गमावले. श्रीलंकेने सहापैकी पाच सामने जिंकले, तर एक सामना ड्रॉ करण्यात आला. इंग्लंडबद्दल सांगायचे झाले तर त्याची कामगिरी या आशियाई संघापेक्षा सरस होती. इंग्लंडने गेल्या 10 वर्षात न्युझीलंडच्या भूमीवर एकही कसोटी हारली नाही. ऑस्ट्रेलियाने दोन कसोटी खेळल्या आणि दोन्ही पण जिंकल्या आणि चार सामने ड्रॉ करण्यात आले.