World Cup 2023: एकदिवसीय विश्वचषक 2023 ची धूम पाहायला मिळत आहे. काल ऑस्ट्रेलियाने अफगाणिस्तानला पराभूत करुन उपांत्य फेरीचे तिकीट पक्के केले. तर दुसरीकडे, पाकिस्तान अजूनही उपांत्य फेरीच्या शर्यतीत आहे.

एकवेळ पाकिस्तान या विश्वचषकातून बाहेर पडेल असे वाटत होते, परंतु त्यांनी जबरदस्त पुनरागमन करत उपांत्य फेरीत स्थान मिळवण्याचा दावा केला आहे.

आयसीसीच्या नियमामुळे पाकिस्तानला विशेष फायदा होऊ शकतो. त्यामुळे पाकिस्तानला उपांत्य फेरीत सहज प्रवेश मिळेल. असे झाल्यास आयसीसीकडून पाकिस्तानसाठी ही मोठी भेट मानली जाईल.

3 संघ आधीच पात्र झाले आहेत

दरम्यान, 3 संघ आधीच विश्वचषकाच्या उपांत्य फेरीसाठी पात्र ठरले आहेत. आता चौथ्या स्थानासाठी 3 संघांमध्ये शर्यत आहे. या शर्यतीत पाकिस्तान, न्यूझीलंड आणि अफगाणिस्तान आहेत.

पॉइंट टेबलमध्ये न्यूझीलंड आणि पाकिस्तान (Pakistan) अनुक्रमे चौथ्या आणि पाचव्या स्थानावर आहेत. दोन्ही संघांनी विश्वचषकातील 8 पैकी 4 सामने जिंकले आहेत. अशा परिस्थितीत पाकिस्तान आणि न्यूझीलंडचे गुण समान असून नेट रनरेट देखील जवळ आहे.

अशा स्थितीत, तुम्ही कधी विचार केला आहे की, गुणांव्यतिरिक्त, कोणत्याही दोन संघांचा नेट रनरेट देखील किती आहे? त्या आधारावरही दोन्ही संघांपैकी एकाला उपांत्य फेरीचे तिकीट मिळेल.

आयसीसीचा नियम पाकिस्तानच्या बाजूने जाईल

आयसीसीच्या (ICC) नियमानुसार, कोणत्याही दोन संघांचे गुण आणि नेट रनरेट समान असल्यास उपांत्य फेरीतील प्रवेश त्या संघाला दिला जाईल जो विश्वचषकाच्या साखळी सामन्यात विजयी संघ ठरला आहे.

अशा परिस्थितीत विश्वचषकात पाकिस्तानविरुद्ध न्यूझीलंड यांच्यातील सामन्यात विजयी संघ पाकिस्तान होता. यावरुन हे स्पष्ट होते की, न्यूझीलंड आणि पाकिस्तानच्या गुणांव्यतिरिक्त नेट रनरेट समान असेल तर पाकिस्तानला उपांत्य फेरीत प्रवेश मिळेल. पाकिस्तान संघासाठी हे मोठे गिफ्ट असेल.