Neeraj Chopra Injury CWG 2022: कॉमनवेल्थ गेम्स 2022 बर्मिंगहॅम येथे होणार आहे. याआधीच भारताच्या आशांना मोठा धक्का बसला आहे. टोकियो ऑलिम्पिकमध्ये भारतासाठी सुवर्णपदक आणि नुकतेच जागतिक अॅथलेटिक्स चॅम्पियनशिपमध्ये रौप्य पदक मिळवणारा भालाफेकपटू नीरज चोप्रा राष्ट्रकुल स्पर्धेतून बाहेर पडला आहे. दुखापतीमुळे तो स्पर्धेतून बाहेर पडल्याचे सांगण्यात येत आहे. भारतीय ऑलिम्पिक संघटनेचे अधिकारी राजीव मेहता यांनी सांगितले की, नीरजला दुखापत झाली आहे. यामुळे तो 2022 च्या राष्ट्रकुल क्रीडा स्पर्धेत सहभागी होऊ शकणार नाही.

जागतिक अॅथलेटिक्स चॅम्पियनशिपनंतर नीरजचा एमआरआय स्कॅन करण्यात आला. यामध्ये कंबरेच्या दुखापतीची बाब समोर आली.त्यामुळे नीरजला जवळपास महिनाभर विश्रांतीचा सल्ला देण्यात आला आहे. याच कारणामुळे तो 2022 च्या राष्ट्रकुल स्पर्धेतून बाहेर पडला आहे. कॉमनवेल्थ गेम्समध्ये नीरजची मॅच 5 ऑगस्टला होणार होती. पण नीरजच्या बाहेर पडल्याने भारताला मोठा धक्का बसला आहे. भालाफेकमध्ये नीरजच्या अनुपस्थितीत भारतीयांना रोहित यादव आणि डीपी मनूकडून मोठ्या आशा असतील.

दरम्यान, जागतिक ऍथलेटिक्स चॅम्पियनशिपमधील भालाफेक स्पर्धेत भारताचा ऑलिम्पिक चॅम्पियन भालाफेकपटू नीरज चोप्रा (Neeraj Chopra) करोडो भारतीयांच्या आशा घेऊन मैदानात उतरला होता. भारतीयांना निराश न करता नीरजने तब्बल 19 वर्षानंतर भारताला जागरिक स्पर्धेत पदक मिळवून दिले. आणि एक इतिहास रचला. रोहित यादवही या स्पर्धेत भारताचे प्रतिनिधित्व करत होता. मात्र त्याला अपयश आल्यानंतर World Athletics Championships स्पर्धेत गोल्डन बॉय नीरज चोप्रा रोप्य पदकाचा मानकरी ठरला आहे.