टोकियो ऑलिम्पिकमध्ये सुवर्णपदक जिंकून इतिहास रचणारा भालाफेकपटू नीरज चोप्राचा आज वाढदिवस आहे. आज 24 डिसेंबर रोजी तो 24 वर्षांचा झाला आहे. ऑलिम्पिक चॅम्पियन झाल्यानंतरचा त्याचा हा पहिला वाढदिवस आहे. सोशल मीडियावर नीरजचे अभिनंदन करणाऱ्यांची झुंबड उडाली आहे. यामुळेच तो ट्विटर ट्रेंडमध्ये टॉपवर पोहोचला आहे. महामारीसारख्या कठीण काळात नीरजने करोडो लोकांच्या चेहऱ्यावर हसू आणण्याचे काम केले आहे.

टोकियो ऑलिम्पिकमध्ये (Olympics) सुवर्णपदक जिंकून इतिहास रचणारा भालाफेकपटू नीरज चोप्रा आज 24 डिसेंबर रोजी 24 वर्षांचा झाला आहे. ऑलिम्पिक चॅम्पियन झाल्यानंतर त्याचा हा पहिला वाढदिवस आहे. सोशल मीडियावर नीरजचे अभिनंदन करणाऱ्यांची झुंबड उडाली आहे. यामुळेच तो ट्विटर ट्रेंडमध्ये टॉपवर पोहोचला आहे. चाहत्यांनी सांगितले की, महामारीसारख्या कठीण काळात नीरजने करोडो लोकांच्या चेहऱ्यावर हसू आणले आहे. तसेच त्याने इतिहास घडवला आहे.

वाढदिवसानिमित्त शुभेच्छा देणाऱ्यांचे आभार मानत नीरज चोप्रा (neeraj chopra) ट्विटरवर म्हणाला, 'सर्वांना नमस्ते. ज्यांनी मला वाढदिवसाच्या शुभेच्छा दिल्या त्या सर्वांचे खूप खूप आभार. मला आशा आहे की तुम्ही सर्व आनंदी आहात, मी देखील खूप आनंदी आहे. मी सध्या अमेरिकेत आहे. ट्रेनिंग वरून परत आल्यानंतर मी तुम्हा सर्वांचे मेसेज पाहिले. पुन्हा एकदा सर्वांचे मनःपूर्वक आभार. मी आता जेवत आहे.' व्हिडिओमध्ये नीरज चोप्राचे प्रशिक्षक म्हणाले, 'नमस्ते. खूप खूप धन्यवाद. तुम्ही सर्वजण तुमची काळजी घ्या.'