T20 World Cup 2022: टी-20 विश्वचषक 2022 क्रिकेट चाहत्यांसाठी मनोरंजनाने भरलेला होता. या स्पर्धेत चाहत्यांना अनेक मोठे षटकारही पाहायला मिळाले. या बातमीत आम्ही तुम्हाला अशा 5 खेळाडूंबद्दल सांगणार आहोत, ज्यांनी यावेळी सर्वाधिक षटकार ठोकले आहेत. या यादीत टीम इंडियाचा एकच खेळाडू स्थान मिळवू शकला आहे.

दरम्यान, टी-20 विश्वचषक (T20 World Cup 2022) मध्ये झिम्बाब्वेचा सिकंदर रझा सर्वाधिक षटकार मारण्यात आघाडीवर आहे. या स्पर्धेत त्याने एकूण 8 सामने खेळताना 11 षटकार ठोकले. इंग्लंडचा (England) सलामीवीर अ‍ॅलेक्स हेल्स सर्वाधिक षटकार मारण्याच्या बाबतीत दुसऱ्या क्रमांकावर आहे. अ‍ॅलेक्स हेल्सने 2022 च्या T20 विश्वचषक स्पर्धेत 6 सामने खेळताना एकूण 10 षटकार मारले, त्यापैकी उपांत्य फेरीत भारताविरुद्ध (India) त्याने 7 षटकार मारले.

तसेच, T20 विश्वचषक 2022 मध्ये श्रीलंकेचा कुसल मेंडिस हा तिसरा सर्वाधिक षटकार मारणारा फलंदाज ठरला आहे. कुसल मेंडिसने 8 सामन्यात 10 षटकार ठोकले. या विश्वचषकात ऑस्ट्रेलियन क्रिकेटर मार्कस स्टॉइनिसनेही शानदार फॉर्म होता. मार्कस स्टॉइनिसने 4 सामन्यात 9 षटकार ठोकले.

शिवाय, या यादीत समावेश झालेला सूर्यकुमार यादव (Suryakumar Yadav) हा एकमेव भारतीय फलंदाज आहे. सूर्यकुमार यादवने 6 सामन्यात 9 षटकार ठोकले. या स्पर्धेत सर्वाधिक धावा करण्याच्या बाबतीतही त्याने तिसरा क्रमांक पटकावला आहे.