हैदराबाद क्रिकेट असोसिएशनचे (Hyderabad Cricket Association) अध्यक्षपद पुन्हा एकदा मोहम्मद अजहरुद्दीन (Mohammad Azharuddin) यांना बहाल करण्यात आले आहे. लोकपाल न्यायमूर्ती (सेवानिवृत्त) दीपक वर्मा (Deepak Verma) यांनी अझरुद्दीला निलंबित करणाऱ्या अपेक्स कांउसिलच्या सदस्यांवर कारवाई करत त्यांना अयोग्य ठरविले आहे.

अंतरिम आदेशानुसार न्यायमूर्ती वर्मा यांनी एचसीएचे सदस्य के जॉन मनोज, उपाध्यक्ष आर विजयनंद, नरेश शर्मा, सुरेंद्र आणि अनुराधा यांना तात्परते अपात्र ठरविले आहे. त्यांनी अजहरुद्दीन यांचे घटनेच्या उल्लंघनाखाली निलंबन केले होते. न्यायमूर्ती वर्मा यांनी दिलेल्या आदेशात म्हणले, अझरुद्दीन विरोधातील तक्रार यांच्याकडे पाठविण्यात आली नव्हती. त्यामुळे अझरुद्दीन यांच्या निलंबनाचा निर्णय अधिकृत नाही.

याबाबत बोलताना न्यायमूर्ती वर्मा म्हणाले, अपेक्स काउन्सिला असा निर्णय घेता येत नाही. निवडलेल्या अध्यक्षांना निलंबित करण्याचा ठराव देखील मी रद्द करत आहे. याबरोबर त्यांना कारणे दाखवा नोटीस देण्यात आली आहे. त्यामुळे अध्यक्ष मोहम्मद अझरुद्दीन यांच्याविरोधात कारवाई करण्यात येऊ नये. त्यामुळे ते हैदराबाद क्रिकेटच्या अध्यक्षपदी कायम असतील. पदाधिकाऱ्याविरोधात फक्त लोकपालच निर्णय घेतील.