पणजी: अखिल भारतीय मास्टर्स मानांकन बॅडमिंटन (Master Badminton) स्पर्धेत गुरुवारी 45+ वयोगटात गोव्याचे (Goa) खेळाडू दुहेरीत चमकले. पुरुष दुहेरीत संदीप व कमलेश हे कांजी बंधू, डार्विन बार्रेटो व किशोर रघुबन्स, तसेच मिश्र दुहेरीत डार्विन व सुप्रिया पै कुचेलकर यांनी आगेकूच राखली.

स्पर्धा नावेली येथील मनोहर पर्रीकर इनडोअर स्टेडियममध्ये (Manohar Parrikar Indoor Stadium) सुरू आहे. स्पर्धेतील 35+ ते 50+ वयोगटातील स्पर्धेस गुरुवारपासून सुरवात झाली. या टप्प्यात सातशेहून जास्त खेळाडूंचा सहभाग आहे. गोव्याच्या बॅडमिंटनपटूंनी 55+ ते 75+ वयोगटात लक्षवेधक कामगिरी बजावताना पदके जिंकली. आता दुसऱ्या टप्प्यातही यजमानांना पदकाची अपेक्षा आहे.