मणिपूरचे मुख्यमंत्री एन बीरेन सिंग (N.biren singh) यांनी जाहीर केले की, शनिवारी टोकियो ऑलिम्पिकमध्ये रौप्य पदक जिंकल्याबद्दल वेटलिफ्टर मीराबाई चानू यांना राज्य सरकार एक कोटी रुपयांचा रोख पुरस्कार देणार आहे. टोकियो ऑलिम्पिकमध्ये महिला 49 किलो वजनी गटात मीराबाई चानू (Mirabai Chanu) हिने शनिवारी भारताला रौप्य पदक मिळवुन दिले. (Manipur CM announces Rs 1 crore reward on Mirabai Chanu)

टोकियो ऑलिम्पिकच्या(Tokyo Olympics) पहिल्याच दिवशी भारताने(India) पदकांच्या यादीमध्ये आपले खाते उघडले आहे. मीराबाई चानूने(Mirabai Chanu) वेटलिफ्टिंगमध्ये (Weightlifting) महिलांच्या 49 kg किलो गटात रौप्य पदक(silver medal) जिंकून इतिहास रचला आहे. ऑलिम्पिक स्पर्धेच्या इतिहासातील हे भारताचे पाचवे रौप्यपदक आहे. ऑलिम्पिकमध्ये भारतासाठी पदक जिंकणारी मीराबाई चानू ही दुसरी महिला वेटलिफ्टर आहे, तर चीनच्या जिजीहूने टोकियो ऑलिम्पिकमधील 49 किलो वजनी उचल स्पर्धेत सुवर्णपदक जिंकले आहे.

2008 नंतर पहिल्याच दिवशीऑलिम्पिकमध्ये भारताला पहिल्यांदाच एखादे पदक मिळाले आहे. 2008 मध्ये पहिल्याच दिवशी अभिनव बिंद्रा यांनी शूटिंग मध्ये गोल्ड मेडल मिळवलं होत.

वेटलिफ्टिंगमध्ये रौप्य पदक जिंकणारी मीरबाई ही पहिली भारतीय खेळाडू ठरली आहे. स्नॅचनंतर मीराबाई चानू दुसर्‍या क्रमांकावर होत्या. यानंतर मीराबाई चानूने पहिल्या प्रयत्नात 110 किलो वजन उचलले. दुसर्‍या प्रयत्नात मीराबाई चानू 115 किलो वजन उचलण्यात यशस्वी ठरल्या. तथापि, तिसऱ्या प्रयत्नात त्या अपयशी ठरल्या आणि तिला रौप्यपदकावर समाधान मानावे लागले.

मीराबाई चानूने पदक जिंकताच संपूर्ण देशात आनंद साजरा केला जात आहे. तिच्या या यशाने संपूर्ण देशाला अभिमान वाटत आहे. मीराबाई चानू यांच्या कर्तृत्वाबद्दल आनंद व्यक्त करीत अध्यक्ष रामनाथ कोविंद आणि पंतप्रधान नरेंद्र मोदी यांनीही त्यांचे अभिनंदन केले आहे.