Asian Athletics Championships: आशियाई अॅथलेटिक्स चॅम्पियनशिप टूर्नामेंट 2023 12 जुलै म्हणजेच बुधवारी थायलंडची राजधानी बँकॉक येथे सुरु होत आहे. नियामक मंडळाच्या स्थापनेच्या 50 व्या वर्धापनदिनानिमित्त या स्पर्धेचे आयोजन करण्यात आले आहे. यावेळी राम भक्त बजरंगबलीला ऍथलेटिक्स चॅम्पियनशिपचे अधिकृत शुभंकर बनवण्यात आले आहे.

दरम्यान, आशियाई ऍथलेटिक्स असोसिएशनने आपल्या वेबसाइटवर म्हटले आहे की, 'प्रभु रामाचे निस्सीम भक्त हुनमान यांच्याकडे प्रचंड सामर्थ्य, धैर्य आणि बुद्धिमत्ता आहे. हनुमानाची अविश्वसनीय निष्ठा आणि भक्ती ही त्यांची सर्वात मोठी क्षमता आहे. याच कारणामुळे बजरंगबलीला शुभंकर बनवण्याचा निर्णय घेण्यात आला आहे.'

25 व्या आशियाई ऍथलेटिक्स चॅम्पियनशिप 2023 च्या लोगोमध्ये गेममध्ये सहभागी झालेल्या खेळाडूंचे कौशल्य, टीम वर्क, ऍथलेटिसीझम, समर्पण आणि खिलाडूवृत्तीचे प्रदर्शन करण्यात आले आहे.

तजिंदरपाल सिंग आणि मुरली यांच्याकडून पदकाची आशा

शॉट पुटर तजिंदरपाल सिंग तूर आणि मुरली श्रीशंकर यांच्या नेतृत्वाखाली, भारताला (India) चॅम्पियनशिपमध्ये प्रभावी प्रदर्शनाची आशा असेल. भारतीय संघ शनिवारी रात्री दिल्ली आणि बंगळुरु येथून पाच दिवसीय आशियाई अॅथलेटिक्स चॅम्पियनशिपसाठी रवाना झाला.